Archive for the ‘United National Party’ Category

යහපාලනය උදෙසා වූ එක්සත් ජාතික පෙරමුණේ නාමයෝජනා ලැයිස්තු – 2015 මහා මැතිවරණය

2015 මහ මැතිවරණය උදෙසා “යහපාලනය උදෙසා වූ එක්සත් ජාතික පෙරමුණ” විසින් අලියා ලකුණ යටතේ දිවයිනේ මැතිවරණ දිස්ත්‍රික්ක 22ටම නාමයෝජනා ලබාදෙනු ලැබිණි. ඒ අතුරින් කොළඹ, බදුල්ල, නුවර-එළිය, කළුතර වැනි දිස්ත්‍රික් කිහිපයකට අතිශය ශක්තිමත් අපේක්ෂක ලැයිස්තු ඉදිරිපත් කර තිබීම විශේෂත්වයකි.

යහපාලනය උදෙසා වූ එක්සත් ජාතික පෙරමුණ විසින් ඉදිරිපත් කරනු ලැබූ ජාතික ලැයිස්තුවේ සංඝයාවහන්සේ, ආචාර්ය, මහාචාර්යවරුන්, වෛද්‍යවරුන්, කලාකරුවන්, ජනාධිපති නීතීඥවරුන්, ව්‍යවසායකයින්, ව්‍යාපාර කළමණාකරුවන්, අලෙවිකරණ විශේෂඥයින්, වෘත්තිය සමිති ක්‍රියාධරයන්, හිටපු රාජ්‍ය සේවකයින් ඇතුළු ප්‍රවීණයින් රසකගෙන් සමන්විත වෙයි.

එක් එක් දිස්ත්‍රික්කය යටතේ යහපාලනය උදෙසා වූ එක්සත් ජාතික පෙරමුණෙන් ඉදිරිපත් කෙරුණු නාමයෝජනා ලැයිස්තු පහතින් දක්වා තිබේ.

කොළඹ දිස්ත්‍රික්කය

  • රවී කරුණානායක
  • ආචාර්ය විජයදාස රාජපක්ෂ
  • රනිල් වික්‍රමසිංහ
  • ආචාර්ය හර්ෂ ද සිල්වා
  • රෝසී සේනානායක
  • ඉරාන් වික්‍රමරත්න
  • සුජීව සේනසිංහ
  • මංජු ශ්‍රී අරංගල
  • නිරෝෂන් පාදුක්ක
  • එස්.එම්. මරික්කාර්
  • උපුල් ශාන්ත සන්නස්ගල
  • උදාර රත්නායක
  • ජයන්ත ද සිල්වා
  • සුනේත්‍රා රණසිංහ
  • ශ්‍රීනාත් පෙරේරා
  • ලෙනාඩ් කරුණාරත්න
  • මනෝ ගනේෂන්
  • එස්. කුහවර්ධන්
  • ෆෙරෝසා මුසම්මීල්
  • හිරුණිකා ප්‍රේමචන්ද්‍ර
  • පාඨලී චම්පික රණවක

ගම්පහ දිස්ත්‍රික්කය

  • ජෝන් අමරතුංග
  • ජෝශප් මයිකල් පෙරේරා
  • රුවන් විජයවර්ධන
  • රන්ජන් රාමනායක
  • අජිත් මාන්නප්පෙරුම
  • රෝස් ප්‍රනාන්දු
  • යූ. ජෝර්ජ් පෙරේරා
  • බෙවන් පෙරේරා
  • රොයිස් ප්‍රනාන්දු
  • හර්ෂණ රාජකරුණා
  • වෛද්‍ය කාවින්ද ජයවර්ධන
  • උදේන විජේරත්න
  • ප්‍රිශාන්ත ජයකොඩි
  • චන්ද්‍රසෝම සරණලාල්
  • එඩ්වඩ් ගුණසේකර
  • අසංග අබේගුණසේකර
  • එස්. සසිල්කුමාර්
  • මොහොමඩ් රහීම්
  • නිරෝෂා අතුකෝරළ
  • අර්ජුන රණතුංග
  • චතුර සේනාරත්න

කළුතර දිස්ත්‍රික්කය

  • අජිත් පී. පෙරේරා
  • පාලිත තෙවරප්පෙරුම
  • ලක්ෂ්මන් විජේමාන්න
  • පී.ඩී. අබේරත්න
  • ඉෆ්තිකාර් ජමීල්
  • ජගත් විතාන
  • ජයන්ත අබේවර්ධන
  • නන්දන ගුණතිලක
  • හේමන්ත වික්‍රමාඅරච්චි
  • එම්.එච්.එම්. අස්ලම්
  • කීර්ති කාරියවසම්
  • වෛද්‍ය රාජිත සේනාරත්න
  • නිශාන්ත ශ්‍රී වර්ණසිංහ

මහනුවර දිස්ත්‍රික්කය

  • ලක්ෂ්මන් කිරිඇල්ල
  • ඒ.එච්.එම්. හලීම්
  • රවුෆ් හකීම්
  • ලකී ජයවර්ධන
  • මයන්ත දිසානායක
  • චානක අයිලප්පෙරුම
  • පද්මලාල් ද අල්විස්
  • පී.බී. වරාවැව
  • ආර්.ජී. සමරනායක
  • හරීන්ද්‍ර දුනුවිල
  • ශාන්තිනී කෝන්ගහගේ
  • කේසර සේනානායක
  • සමන්ත අරුණ කුමාර
  • ආනන්ද අලුත්ගමගේ
  • එම්. වේලුකුමාර්

මාතලේ දිස්ත්‍රික්කය

  • වසන්ත අළුවිහාරේ
  • රංජිත් අළුවිහාරේ
  • ප්‍රියාන් විජේරත්න
  • එම්.එච්.එම්. ඊබ්‍රහීම්
  • රොහිණී කුමාරී විජේරත්න
  • මානෙල් කුමාරී විජේරත්න
  • සන්දනම් වීරසිංහ
  • උජිත් අනුරාධ

නුවරඑළිය දිස්ත්‍රික්කය

  • නවීන් දිසානායක
  • පී. දිගම්බරම්
  • කේ.කේ. පියදාස
  • එම්. උදයකුමාර්
  • ආර්. යෝගරාජන්
  • රේණුකා හේරත්
  • ජයලත් බණ්ඩාර දිසානායක
  • ප්‍රියන්ත බණ්ඩාර
  • පී. රාජදොරෙයි
  • එම්. තිලකරාජා
  • වී. රාධක්‍රිෂ්ණන්

ගාල්ල දිස්ත්‍රික්කය

  • වජිර අබේවර්ධන
  • ගයන්ත කරුණාතිලක
  • බන්දුලාල් බණ්ඩාරිගොඩ
  • විජයපාල හෙට්ටිආරච්චි
  • සුනිල් සේනානායක
  • ජයන්ත ජයවීර
  • අශෝක සෝමරත්න
  • ආනන්ද පද්මසිරි කාරියවසම්
  • ඩෙනට් පනියන්දූවගේ
  • ෆයාස් මොහොමඩ් ලතීෆ්
  • අජන්ත ද සොයිසා
  • චන්ද්‍රලාල් අබේගුණවර්ධන
  • සේනාධී ජයලාල් අතුකෝරළ

මාතර දිස්ත්‍රික්කය

  • මංගල සමරවීර
  • බුද්ධික පතිරණ
  • සාගල රත්නායක
  • ජස්ටින් ගලප්පත්ති
  • එච්.ආර්. විමලසිරි
  • ගයාන් සංජීව
  • චන්දන ප්‍රියන්ත
  • දේවප්‍රිය වනිගසේකර
  • ජනිත් වික්‍රමසිංහ
  • නීල් උපුල් වෙදආරච්චි
  • මොහොමඩ් නුස්කි

හම්බන්තොට දිස්ත්‍රික්කය

  • සජිත් ප්‍රේමදාස
  • දිලිප් වෙදආරච්චි
  • ආනන්ද කුලරත්න
  • ටී.ජී. සේනාරතන
  • ටී.වී.කේ. ගාමිණී
  • එස්.ඒ. සුජීවා
  • අතුල සේනාරත්න
  • එම්.එල්.ඒ. ගුණතිලක
  • සුජිත් මුතුකුමාරණ
  • මහින්ද පුෂ්පකුමාර පාතේගම

වන්නි දිස්ත්‍රික්කය

  • රිෂාඩ් බදියුදීන්
  • මොහොමඩ් එහියාන්
  • රෝහණ ගමගේ
  • වී. කමලනාදන්
  • කරුණාදාස පුංචි අප්පුහාමි
  • වී. ජන්ගන්
  • එස්.වයි. මාර්තු
  • අබුල් කසීම්

මඩකළපුව දිස්ත්‍රික්කය

  • අමීර් අලී
  • එස්. ගනේෂමූර්ති
  • ඒ. නියාස්
  • එම්.එල්. ලතීෆ්
  • ඒ. ජෙගන්
  • ඒ.ඒ. රූබි
  • ටී. ලෝගනාදන්
  • එස්. මාමගරාජා

දිගාමඩුල්ල දිස්ත්‍රික්කය

  • දයා ගමගේ
  • පී. දයාරත්න
  • චන්ද්‍රදාස ගලප්පත්ති
  • මීරාසහීබ් රසාක්
  • එම්.සී.එම්. ෆයිසාල්
  • ඊබ්‍රහීම් මන්සූර්
  • මොහොමඩ් හාරිස්
  • විජේරත්න බණ්ඩා
  • ආදම් ලෙබ්බේ
  • පී. සුවර්ණරාජ්

ත්‍රිකුණාමලය දිස්ත්‍රික්කය

  • එම්.එස්. තවුෆීක්
  • ඒ.එම්.එම්. මහරූෆ්
  • වෛද්‍ය අරුණ සිරිසේන
  • සුනිල් ශාන්ත රණවීර
  • ඉම්රාන් මහරූෆ්
  • පී. කරුණාරත්න
  • කේ.එම්. සාහීර්

කුරුණෑගල දිස්ත්‍රික්කය

  • අකිල විරාජ් කාරියවසම්
  • එස්.බී. නාවින්න
  • ගාමිණී ජයවික්‍රම පෙරේරා
  • අශෝක් රන්ජන් අබේසිංහ
  • නලීන් බණ්ඩාර
  • ශ්‍යමල් සෙනරත්
  • ජේ.සී. අලවතුවල
  • ඉඳුනිල් තුෂාර
  • එම්.එස්. පෙරේරා
  • මොහාන් පෙරේරා
  • ටී.එම්.එම්.පී. තෙන්නකෝන්
  • ජගත් මංජුල යාපා
  • කුමාරදාස ගිරිබාව
  • අචිනි හේරත් ලොකුබණ්ඩාර
  • බන්දුල බණ්ඩාරනායක
  • අජිත් රෝහණ
  • එච්.එම්. ජයරත්න
  • එම්.එස්. සහබ්දීන්

පුත්තලම් දිස්ත්‍රික්කය

  • නිරෝෂන් පෙරේරා
  • පාලිත රංගේ බණ්ඩාර
  • සිසිර කුමාර අබේසේකර
  • හෙක්ටර් අප්පුහාම
  • අශෝක වඩිගමංගාව
  • අශෝක ප්‍රියන්ත
  • එම්.එන්.එම්. නස්මි
  • හිලරි ප්‍රසන්න ප්‍රනාන්දු
  • එම්.එච්.එම්. නවාවි
  • අබ්දුල් ෆයිරූස්
  • වී. කමලකන්නන්

අනුරාධපුර දිස්ත්‍රික්කය

  • චන්ද්‍රාණී බණ්ඩාර
  • පී. හැරිසන්
  • අනිල් රත්නායක
  • චන්දිම ගමගේ
  • ඩී.එම්. අමරතුංග
  • පී. සහීදු
  • මල්ලිකා කුමාරිහාමි
  • කරුණාරත්න හේරත්
  • නන්දන සංජීව සෙනෙවිරත්න
  • ප්‍රසන්න මහින්දරත්න
  • අනිල් ප්‍රියන්ත ගොඩේගම
  • කේ.ඩී. සංජීව

පොළොන්නරුව දිස්ත්‍රික්කය

  • වසන්ත සේනානායක
  • සිඩ්නි ජයරත්න
  • එම්.එම්. ඩොනල්ඩ්
  • එස්.එච්.එම්. අන්සාර්
  • නාලක කොලොන්නෙ
  • ගාමිණී නන්ද කුමාර
  • සුජිත් රත්නවීර
  • සනත් කුමාර කුලවර්ධන

බදුල්ල දිස්ත්‍රික්කය

  • හරීන් ප්‍රනාන්දු
  • රවී සමරවීර
  • උපාලි සමරවීර
  • ජයන්ත කන්නන්ගර
  • සෙනරත් ජයසූරිය
  • උපාලි සේනාරත්න
  • චමින්ද විජේසිරි
  • වඩිවෙල් සුරේෂ්
  • අබ්දුල් ලතීෆ්
  • අර්වින්ද් කුමාර්
  • ර.මු. රත්නායක

මොණරාගල දිස්ත්‍රික්කය

  • රංජිත් මද්දුම බණ්ඩාර
  • ආනන්ද කුමාරසිරි
  • සම්පත් ජයසූරිය
  • එච්.ඩබ්.එම්. ධර්මසේන
  • හරේන්ද්‍ර ධර්මදාස
  • කේ. සුමතිපාල
  • නිහාල් චන්ද්‍රසිරි
  • දුමිඳු රන්දුනු බණ්ඩාර

රත්නපුර දිස්ත්‍රික්කය

  • තලතා අතුකෝරළ
  • දුනේෂ් ගන්කන්ද
  • ඒ.ඒ. විජේතුංග
  • සිරිපාල කිරිඇල්ල
  • පියදාස අබේනායක
  • හේෂාන් විතානගේ
  • අචල සුරංග ජාගොඩ
  • ජයතිස්ස රණවීර
  • අජිත් කුමාර මැද්දේගම
  • සරත්චන්ද්‍ර රාමනායක
  • එම්. චන්ද්‍රකුමාර්
  • නිල්මිණි විජේසිංහ
  • කරුණාරත්න පරණවිතාන
  • සරත් සන්දනායක

කෑගල්ල දිස්ත්‍රික්කය

  • කබීර් හෂීම්
  • ඒ.ඩී. ප්‍රේමදාස චම්පිකා
  • වෛද්‍ය තුසිතා විජේමාන්න
  • රුක්මන් සේනානායක
  • සුජිත් සංජය පෙරේරා
  • සන්දිත් සමරසිංහ
  • ලිලාන් අමරකෝන්
  • රංජිත් පොල්ගම්පොළ
  • නිමල් ජයසිංහ
  • ඩබ්ලිව්. සෝමදාස
  • පෙරුමාල් රුමේෂ්
  • අජිත් කුමාර සෙනෙවිරත්න

ජාතික ලැයිස්තුව

  • මලික් සමරවික්‍රම
  • කරු ජයසූරිය
  • ඩී.එම්. ස්වාමිනාදන්
  • වෛද්‍ය අනෝමා ගමගේ
  • කේ. වේලායුදම්
  • හසන් අලී
  • මොහොමඩ් ජමීල්
  • අතුරලියේ රතන ස්වාමීන්වහන්සේ
  • ආචාර්ය ජයම්පති වික්‍රමරත්න
  • තිලක් මාරපන
  • මහාචාර්ය චන්ද්‍රජිත් අෂුබෝධ මාරසිංහ
  • නිශාම් කාරියප්පර්
  • එම්.කේ.ඩී.ඒ.එස්. ගුණවර්ධන
  • අසාත් සාලි
  • අර්වින් වීරක්කොඩි
  • රාජා උස්වැටකෙයියාව
  • ඩබ්ලිව්. ජයසිරි
  • සුරනිමල රාජපක්ෂ
  • වින්ස්ටන් පතිරාජ
  • සිරිනාල් ද මැල්
  • අරිසරත්නම් ශෂීදරන්
  • ෂහුල් හමීඩ්
  • ක්‍රිශාන්ත කුරේ
  • අබ්දුල් හෆීස්
  • මොහොමඩ් සල්මාන්
  • ඕමල්පේ සෝභිත ස්වාමීන්වහන්සේ
  • මොහොමඩ් නජා
  • කේ.වයි.පී. රාම්
  • පී.ජී. ගුණරත්න
Advertisements

වීරියවන්තයින්ගේ පක්ෂය – එක්සත් ජාතික පක්ෂය

“උනුත් එකයි, මුනුත් එකයි”, “ඔයි කොයි දේශපාලන පක්ෂයත් එකයි” යනාදී කියමන් ලාංකේය සමාජයේ බහුලව ඔබට අසන්නට ලැබෙයි. නමුත් එකී ප්‍රකාශයන් යථාර්තයෙන් බෙහෙවින් දුරස්ථය.

එක්සත් ජාතික පක්ෂය යනු දැවැන්ත මතවාදී ප්‍රවාහයකි, බේදභින්නතා පසෙකලා රටේ එකිනෙකාට අනන්‍ය වූ ජනතාව එක පොදියට එක්සත් කරන්නාවූ ප්‍රතිපත්ති සමුදායකි, දේශපාලන දර්ශනයකි. පුද්ගලාභිවන්දනය පසෙකලා ප්‍රතිපත්ති පෙරදැරිව රට ගොඩ නැගිය යුතු මෙවන් සන්ධිස්ථානීය නිමේෂයක ඔබේ දේශපාලන මතවාදය ගලපා ගන්නට රුකුලක් ලබා දීම මෙම ලිපියේ අදිටනයි.

එක්සත් ජාතික පක්ෂයේ ප්‍රභවය

1946 සැප්තැම්බර් 6දා එක්සත් ජාතික පක්ෂය බිහිවන්නේ ශ්‍රී ලාංකික ඔබ අප සැමගේ පක්ෂයක් විලෙසිනි. ජාති, ආගම්, කුල භේදයෙන් තොර වූ එජාපය එදා මෙදා තුර රටේ අස්සක් මුල්ලක් නෑර දිවි ගෙවන සෑම ජන කොට්ඨාශයකටම සේවය කර ඇත. පක්ෂයේ නම වූ “එක්සත් ජාතික පක්ෂය” යන්නෙන්ම එය අරුත් ගන්වයි. ලක්වාසී සියළු දෙනා එක්සත් කරමින් ජාතික නිදහස දිනා දීමෙහිලා පුරෝගාමී මෙහෙවරක් කිරීම එජාපයේ මුල්ම ජයග්‍රහණයකි. තැන තැන විසිරී සිටි ජාතික බලවේග එක පොදියකට එකතු පහදු කරගනිමින් සුදු අධිරාජ්‍යයවාදීන්ට එල්ල වෙමින් තුබුණු පීඩනය තීව්‍ර කරවීම එජාප නිර්මාතෲ ඩී.ඇස්. සේනානායක ශ්‍රීමතාණන්ගේ මෙහෙයවිමෙන් සාක්ෂාත්කර ගැනීම ශ්‍රී ලාංකේය ජාතියම ලත් විජයග්‍රහණයකි.

සමාජ දැක්ම – සම හැකියාවනට සම අවස්ථා

එජාපයේ සමාජ ප්‍රතිපත්තිය වන්නේ “සම හැකියාවනට සම අවස්ථා” යන්නය! ඇතැම් පක්ෂ මෙන් රදළයින්ට පොල්කටු හැන්දෙන් බෙදා දුගියාට කන් හැන්දෙන් බෙදනවා වෙනුවට රටේ සමස්ථ ජනතාවටම දියුණුවට සම අවස්ථා විවර කරලීම එජාප ප්‍රතිපත්තියයි. එහිදී ජාති, ආගම්, කුල භේද නොසලකා ශ්‍රී ලාංකේය සැවොම එක මවකගේ දරු කැළක් මෙන් සලකා සමානාත්මතාවයෙන් යුතුව කටයුතු කිරීම පක්ෂයේ ආදිකර්තෲවරුන්ගේ නිර්මල පැතුම විය. සුදොවුන්, බිම්බිසාර වන් රජවරුන්ගේ සිට සුනීත, සෝපාක, රජ්ජුමාලා වන් “කුල හීනයන්ටද” එකසේ දයාව කරුණාව පාමින් සමානාත්මතාවයේ වටිනාකම ලෝවාසි සැමට කියා දුන් බුදුරජාණන්වහන්සේගේ අදහස්වලින් එජාපයේ සමාජ මතය උකහා ගෙන ඇතැයි යමෙකුට තර්ක කළ හැකිය. උතුම් වූ බුදු දහමට රාජ්‍යය අනුග්‍රහය සහ ආරක්ෂාව ලබාදෙමින් ලක්වාසී සැමගේ ආගමික නිදහස තහවුරු කළ යුතු යැයු 1978 ව්‍යවස්ථාවේ ලෙස දෙවැනි පරිච්ඡේදයේ එජාපය අඩංගු කරලීමද මෙකී චින්තනයට මාහැඟි නිදර්ශනයකි.

නිදහස් ශ්‍රී ලංකාවේ රදළ උරුමයකින් තොරව රාජ්‍ය නායකත්වයට පිළිපන් දෙදෙනාම එම තනතුර ලබාගත්තේ එක්සත් ජාතික පක්ෂයේත් එහි ජීවනාලිය බඳු වූ පාක්ෂිකයාගේත් කැප වීමෙනි. රටේ පොදුජනතාව නියෝජනය කරන බැව් පවසන ශ්‍රී ලංකාවේ අනෙක් ප්‍රධාන දේශපාලන පක්ෂය සැමවිටම එහි රාජ්‍ය නායකත්ව අපේක්ෂකයා වශයෙන් නම් කරනු ලැබ ඇත්තේ වලව් පැලැන්තියේ පුද්ගලයකු වීම සුවිශේෂීත්වයකි. සිරිලකට නිදහස් අධ්‍යාපනය, මහපොළ සහ නොමිලේ නිල ඇඳුම, පෙළ පොත් හඳුන්වා දෙමින් පැල්පතේ පුංචි දරුවාටත් වෛද්‍යවරයකු, ඉංජිනේරුවකු, දැහැමි කෝටිපතියකු වීමේ සිහිනයට පාර කැපුවේ එජාපයයි. නිදහස් සෞඛ්‍යය සේවය ලබාදෙමින් බුදුන් වහන්සේගේ උතුම් සද්ධර්මයේ කියැවෙන “ආරෝග්‍යා පරමා ලාභා” යන්න ලාංකිකයන්ට යථාර්තයක් බවට පත් කිරීමට වෙහෙස වූයේ එජාපයයි.

එජාපය සහ කෘෂිකර්මාන්තය

එක්සත් ජාතික පක්ෂය තම වර්ණය වශයෙන් හරිත පැහැය තෝරාගන්නේ කෘෂිකර්මය පදනම් කරගනිමිනි. සියවස් ගණනාවක විදේශීය පාලනයෙන් වල් වැදුනු රජරටට ගංගා හරවා රට සහලින් ස්වයංපෝෂණය කළේ එජාපයයි. මින්නේරි, රාජාංගනය, ගල්ඔය, උඩවලවේ, මහවැලිය වැනි අදටත් රටට බත මෙන්ම විදුලියත් සපයන දැවැන්ත බහුකාර්යය සංවර්ධන යෝජනා ක්‍රම රටේ කරවූයේ එජාපයයි. බත් ප්‍රධාන ආහාර වේල වූ ශ්‍රී ලංකාව එජාපය වසර 30කින් නිම කිරීමට නියමිතව තුබූ මහවැලිය වසර 6කින් කඩිනම් මහවැලිය ලෙසින් නිම කරන තුරු සහලින් ස්වයංපෝෂිතව නොතිබූ බව පාඨක සමහරෙක්ට පුදුමය එළවනසුළු විය හැකිය.

කුඩා දිවයිනක් වුවත් ශ්‍රී ලංකාවට කෘෂිකාර්මික දියුණුව සාක්ෂාත් කරගැනීමේ විශාල විභවයක් පවතී. එමඟින් රටට ආනයනය කරන ආහාරපාන අවම කරගැනීමටත් අපනයන හරහා අලුත් මූල්‍යෝත්පාදනයටත් දොරටු විවර වෙයි. 1994 පටන් පැවැති ශ්‍රිලනිප ප්‍රමුඛ රජයන් අසමත් වූ මෙකී කර්තව්‍යය සපුරාලිය හැක්කේ අද්විතීය කෘෂි ඉතිහාසයකට උරුමකම් කියන එජාපයට පමණි. කෙසේ වෙතත් කෘෂිකර්මාන්තය රටේ මූලික ආදායම් උත්පාදන මාර්ගය බවට පත් කරගත නොහැකි බව එජාපයේ විශ්වාසයයි. ඉඩම්, තාක්ෂණය ආදී දෑ වලින් පොහොසත් අන්‍ය ජාතීන් සමඟ අපට උරෙනුර ගැටිය හක්කේ බෝග කිහිපයක් සඳහා පමණක් වුවත් හැකි තරම් දේශීය අවශ්‍යතාවයන් රට තුලින් සපුරා ගත යුතු බව එජාපයේ විශ්වාසයයි. වසර 10ක් කුරහන් සාටකයක් පැලැඳි රාජ්‍ය නායකයකු සිටියද කුරක්කන් ඉන්දියාවෙන් තොග පිටින් ආනයනය කරන රටක අප වෙසෙන බැව් බොහෝමයක් දෙනා නොදනිත්.

සමාජ වෙළෙඳපොළ අර්ථ ක්‍රමය සහ නූතන ලෝකයට අවැසි සංවර්ධනය

එක්සත් ජාතික පක්ෂයේ ආර්ථික මතවාදය වනාහී සමාජ වෙළඳපල ආර්ථික ක්‍රමයයි. මෙහි විශේෂත්වය නම් තරඟකාරී වෙළඳපල ආර්ථිකයක් පවත්වා ගන්නා අතරේදීම සමාජ සුබසාධනය සහ ආරක්ෂණය කෙරෙහිද අවධානය යොමු කිරීමයි. මෙය උග්‍ර ධනවාදී ආර්ථික මතවාදයන්ට වෙනස්ය. මක්නිසාදයත් සමාජ වෙළඳපල ආර්ථික ක්‍රමයක් හරහා සමාජයේ ඌණ වරප්‍රසාදිත ජනතාවටද සාර්ථකත්වය ළඟා කරගැනීමට සමාන අවස්ථාවක් ලබාදීම මුලිකාංගයකි.

එජාපය වෙර දරන්නේ ප්‍රබල මධ්‍යම පන්තියක් නිර්මාණය කරලීමට විනා, පසුගිය එක්සත් ජනතා නිදහස් සන්ධාන රජය මෙන් අධිසුඛෝපභොගී සුපිරි ධනවතුන් බහුතරයකට යට වුණු මැදි සහ දුප්පත් පන්තියක් බිහි කිරීමට නොවේ. ඒ සඳහා අවශ්‍ය පසුබිම සපයනු වස් සුබසාධනය කෙරේ එජාපය වැඩි අවධානයක් යොමු කරයි. මීට කදිම උදාහරණයක් නම් එජාපයේ ජනසවිය සහ ශ්‍රීලනිපයේ සමෘද්ධිය සහ දිවිනැගුමයි. ජනසවියෙන් කළේ ගමේ ජනතාව ශ්‍රමදාන සහ පොදු වැඩ ඔස්සේ ගමේම අභිවෘද්ධියට යොදවා ගෙන ඔවුන්ට එකී දායකත්වය වෙනුවෙන් වියළි ආහාර යනාදී අත්‍යවශ්‍ය ද්‍රව්‍ය බෙදා දීමයි. නමුත් ශ්‍රීලනිපය කළේ දිළිඳුකම මැඩලීමේ මුවාවෙන් බදු මුදල් දේශපාලන සහචරයන්ට කොන්දේසි විරහිතව “පිනට” බෙදා දීමයි. ඊටත් වඩා ගැටළුව නම් එකී ආධාර මුදල් ඒවා සැබැවින්ම අවශ්‍ය අයට කෙසේ වෙතත් සිය දේශපාලනික හිතවතුන් අතරේ බෙදා දීමයි.

එජාපය එදා පටන් “ධනපති” ලේබලය ඇලවීමට වාමවාදී බලවේග උත්සුක වුවත් එජාපය යනු “මහන්සිවී වැඩ කරන වීරියවන්තයින්ගේ පක්ෂයයි”. එහි ආර්ථික මතය නම් ජනතාවට ස්වශක්තියෙන් නැගිටීමට අවකාශ සලසා දේශීය ව්‍යවසායකයින් රටේ ආර්ථිකයේ කොඳු නාරටිය බවට පත් කිරීමය.

එජාපයේ ප්‍රතිපත්තිය නම් බදු මුදල් අවම වශයෙන් අය කරගෙන රටට අවශ්‍යම ආයෝජන සිදු කරලීමයි. නමුත් නිදහසින් පසු බිහිවූ සියළු ශ්‍රිලනිප ප්‍රමුඛ රජයන් කර ඇත්තේ බදු බර උපරිමයෙන් ජනතාව පිට පටවා කිසිඳු ආර්ථික ප්‍රතිලාභයකින් තොර ශ්‍රී ලන්කන්, මිහින් ලංකා, තෙල් සංස්ථාව යනාදී මකර කටවලට අපේ අහිංසක ජනතාවට අධ්‍යාපන අයිතිය, සෞඛ්‍යය අයිතිය වෙනුවෙන් යෙදවිය යුතු මුදල් පුදදීමයි. එජාපය එදා කළ රාජාංගනය, මහවැලිය, ගල්ඔය, මහපොළ, තරුණ සේවා සභාව, ගම්උදාව, කර්මාන්තශාලා 200, කටුනායක, කොග්ගල, බියගම ආදී අපනයන සැකැසුම් කලාප වැනි ව්‍යාපෘතිවල ප්‍රතිලාභ අදටත් ලක්ෂ සංඛ්‍යාත ජනතාවක් විසින් සෘජුව හෝ වක්‍රව භුක්ති විඳීති. එහෙත් පසුගිය රජය ලොවට ණයවී කළ මත්තල, හම්බන්තොට වරාය වැනි ව්‍යාපෘති වලින් අපේ භාණ්ඩාගාරයට මුදල් ගෙනැවිත් ඇත්ද?

එක්සත් ජාතික පක්ෂය විශ්වාස කරනුයේ දැනුම සහ නිෂ්පාදනය යන ස්ථම්භ ද්විත්වය මත පදනම් වූ ආර්ථික ක්‍රමවේදයකි. ලංකාවේ ප්‍රධානතම ඉපැයුම් මාර්ගයක් වන ඇඟැලුම් කර්මාන්තය ඇතුළු අපනයන වෙළඳපල ඉලක්කගත කරමාන්තවලින් අතිමහත් බහුතරයක් රටට හඳුන්වා දෙනු ලැබූයේ එජාපයයි. එතෙකින් නොනැවතී එකී කර්මාන්තවලට අවැසි වෙළඳපොලද එක්සත් ජාතික පක්ෂය විසින් සිය ජාත්‍යන්තර සබඳතා ඔස්සේ ගොඩ නගා දී තිබේ. නොබෝදා ශ්‍රී ලංකාවට යළිත් GSP+ සහනය දිනා ගැනීම ඊට කදිම නිදසුනකි. අනෙක් අතට ශ්‍රී ලංකාවට තොරතුරු තාක්ෂණය හඳුන්වා දෙමින් විශ්ව ගම්මානයට මෙරට යා කළේත්, පසුකාලීනව BPO වර්ගයේ දැනුම කේන්ද්‍ර කරගත් ව්‍යාපාර ලංකාවට හඳුන්වා දුන්නේද එජාපයයි. ගොඩනැගීම් කර්මාන්තය වන් කෙටිකාලීන ක්ෂේත්‍රයක් වටා රටක සමස්ථ ආර්ථිකයම ගොඩනැගිය නොහැකි බැව් ලෝකයේ අපට වඩා විශාල රටවල් කිහිපයකම ආර්ථික කඩාවැටීම් වලින් උගත හැකි පාඩමකි.

එජාපයේ විදෙස් ප්‍රතිපත්තිය

එක්සත් ජාතික පක්ෂයේ විදේශ ප්‍රතිපත්තිය අතීතයේ පටන් කාගේත් කතාබහට ලක් වූවකි. එය බටහිර ගැති යැයි බොහෝ දෙනෙකු චෝදනා කරති. එහෙත් එය සත්‍යයක්ද?

යම් යම් කාල වකවානුවලදී අඩු ලුහුඬුකම් සිදු වුවත් එජාපයේ මතය නම් අප ජාත්‍යන්තරයේ මිතුරන් මිස සතුරන් ඇති කර නොගත යුතු බවයි. අප වන් කුඩා රටකට සතුරන් ඇති කරගැනීම නිසා සිදුවන ආදීනව පසුගිය එක්සත් ජනතා නිදහස් සන්ධාන රජය විදහා දැක්වීය. එසේ නමුත් ඉන් අදහස් වන්නේ විදේශයන් අභිමුව දණින් වටීම නොවන බවද තේරුම් ගත යුතුය.

බුදු දහමේද සඳහන් වන පරිදි සතුරන් ඇති නොකර ගෙන මිතුරන් ගොඩ නගා ගැනීම සාර්ථකත්වයට මග පාදයි. එක්සත් ජාතික පක්ෂ රජයන් විසින් අතීතයේදී සිදු කළ දැවැන්ත සංවර්ධන යෝජනාක්‍රමවලට ලෝකයේ නන්දෙසින් ආධාර සහ සහන ණය ලැබීම මීට කදිම නිදසුනකි. විශේෂයෙන්ම දෙවැනි ලෝක යුද්ධයෙන් පසුව ජේ.ආර්. ජයවර්ධනයන් විසින් සැන් ෆ්‍රැන්සිස්කෝවේදී ජපානය වෙනුවෙන් කළ කථාවේ සිට මෑතදී නේපාල භූ කම්පනයෙන් පීඩාවට පත් ජනතාවට ශ්‍රී ලංකා රජය ලබා දුන් සහයෝගය දක්වා එජාප රජයන් විසින් සිය විදෙස් ප්‍රතිපත්තිය හරහා ශ්‍රී ලංකාවට සද්භාවයෙන් සහයෝගය ලබා දෙන කලණ මිතුරන් කිහිප දෙනෙකු හොඩ නගා ගෙන ඇත.

පොදුවේ ජාත්‍යන්තරයේ කාටත් මිතුරකු ලෙස සැලකිය හැකි මිනිසත්කම් හා සමානාත්මතාවය රජයන රටක් බිහි කරවීම එජාප විදෙස් ප්‍රතිපත්තියයි. 2015දී බලයට ආ එජාප ප්‍රමුඛ රජය විසින් රටට ජාත්‍යන්තර වශයෙන් දිනාගත් විශ්වාසය සහ සහයෝගය මීට කදිම උපහැරණයකි. එකී විදේශ ප්‍රතිපත්තිය පැවැති එක්සත් ජනතා නිදහස් සන්ධාන රජයේ විදේශ ප්‍රතිපත්ති විශේෂඥයින්ගේ මාහැඟි පැසැසුමට ලක්වීමම ඊට කදිම සාක්ෂියකි. මෙලෙස ජාත්‍යන්තරය තුල ශ්‍රී ලංකාව කෙරේ විශ්වාසය ගොඩ නැගීම හරහා විදෙස් ආයෝජන මෙරටට ගෙනවුත් ලක්ෂ සංඛ්‍යාත රැකිය අවස්ථා බිහිකරලමින්, ජාත්‍යන්තරයට අපේ නිෂ්පාදන සහ සේවා අපනයනය කොට ජාතික ආර්ථිකයට පණ පෙවීම එක්සත් ජාතික පක්ෂයේ දර්ශනයයි.

අපි එකිනෙකාට අවේණික සමාජ, ආර්ථික සහ දේශපාලනික මතවාද පවතී. මෑතකදී උපුල් ශාන්ත සන්නස්ගලයන් කීවාක් මෙන් යමෙකුට 100%ක් ගැලැපෙන දේශපාලන පක්ෂයක් කොහිවත් නැත. එසේනම් රටේ උන්නතිය උදෙසා තමුන්ට කිට්ටුතම මතවාදයක් නියෝජනය කරන පක්ෂයකට සහය දිය යුතුය, නැතහොත් තමුන්ටම කියා දේශපාලන පක්ෂයක් ගොඩ නගා ගත යුතුය! එක්සත් ජාතික පක්ෂය නම් දැවැන්ත දේශපාලනික ප්‍රවාහය අලලා ලියැවුණු මේ ලියමනින් අදාළ තීරණයට යම් අස්වැසිල්ලක් වන්නට ඇතැයි මගේ අවංක බලාපොරොත්තුවයි.

ඔබ මා ඇතුළු ලෝකයේ ඕනෑම පුද්ගලයකු හෝ ආයතනයක් මෙන් එජාපයද සර්වසම්පූර්ණ නැත. අතීතයේදී එජාපය අතින් දැවැන්ත වැරැදි සිදු වී නැතැයි කියමින් සුදු හුණු ගෑමට මට අවැසි නැත. නමුත් මාගේ පරිකල්පනයේ හැටියට නිදහස් ශ්‍රී ලංකාවට වැඩිම මෙහෙවරක් කළ පක්ෂයත් මතුවට එය අභිභවන මෙහෙවරක් කළ හැකි පක්ෂයත් එක්සත් ජාතික පක්ෂය පමණෙකි.

රණසිංහ ප්‍රේමදාස ජනාධිපතිතුමා විසින් එක්සත් ජාතික පක්ෂ චින්තනය අලලා ලියැවුණු ගීපද පෙළකින් මෙම ලිපියේ සමාප්තිය සනිටුහන් කරමි.

පුතේ දුවේ මේ අහන්න
නිවහල් දෙනෙතින් බලන්න
සුමග දිගේ පෙරට යන්න
යා යුතු මග පා තබන්න

දැන්වත් රට හදන්නනම්…!!!

Click here to get Sinhala Unicode

එක්සත් ජාතික පක්ෂය යනු ලංකාවේ විශාලතම තනි දේශපාලන පක්ෂයයි. නමුත් බොහෝ සන්ධාන පාක්ෂිකයින්ට මේක ප්‍රශ්නයකි. ඔවුන් නිතරම අපෙන් අසන්නේ “ඇයි ඔයාලා තාම යූඇන්පී එකට ඡන්දෙ දෙන්නෙ” කියලාය.  සමහර දේශපාලනඥයන් තවත් පරතරයට ගොස් පවසන්නේ යූඇන්පියට ඡන්දය දෙන්නේ පිදුරු, තණකොළ අනුභව කරන අකෘතඥයන් බවයි. තවෙකෙක් කියන්නේ එක්සත් ජාතික පක්ෂයේත් ශ්‍රී ලංකා නිදහස් පක්ෂයේත් එතරම් වෙනසක් නැති බවයි. නමුත් තත්ත්වය හාත්පසින්ම වෙනස්ය. එක්සත් ජාතික පක්ෂය යනු එක් පුද්ගලයකු හෝ කිහිප දෙනෙකු නොවේ. එක්සත් ජාතික පක්ෂය යනු ඉතා ගැඹුරුතර මතවාදයකි, දර්ශනයකි, විශ්වාසයකි. එහි පදනම වනුයේ කවුරුන් නිවැරදිද යන්නට වඩා කවරක් නිවැරදිද යන චින්තනයයි. එක්සත් ජාතික පක්ෂයේ ශක්තිය ගැබ්ව ඇත්තේ මෙම දැවැන්ත මතවාදය, දර්ශනය මත පදනම්වය. බොහෝ දෙනා විරුද්ධ වෙන්නන් වාලේ එජාපයට විරුද්ධ වන්නේ එජාපයේ දර්ශනය පිළිබඳව අංශුමාත්‍රීය හෝ අදහසක් නැතිවය.

මොකද්ද ඒ දර්ශනය?? එක්සත් ජාතික පක්ෂය යනු සමාජ වගකීමකින් හෙබි විවෘත ආර්ථිකයක් (Socially Responsible Market Economy) කෙරේ විශ්වාසය තබන පක්ෂයකි. ලොව සංවෘත ආර්ථිකයකින් දියුණු වූ රටක් නොමැත, මෙය ප්‍රත්‍යක්ෂ යථාර්තයකි, වත්මන එජනිසය සමඟ සැරිසරන එස්.බී. දිසානායක මහතා මීට මාස කිහිපයකට පෙර පළ කෙරුණු තම ග්‍රන්ථයේදී මේ කාරණාව තවදුරටත් තහවුරු කළේ උදාහරණ සහිතවය. 70-77 සංවෘත ආර්ථිකයේ අත්දැකීම් අපේ ජ්‍යෙෂ්ඨ පරපුරෙන් අප අසා ඇත්තෙමු. විවෘත ආර්ථිකය යන්නෙන් සීමාරහිත ලෙස ආර්ථිකය විවෘත කිරීම අදහස් නොකෙරේ. ඉන් යම්කිසි පාලනයකින් යුක්තව ආර්ථිකය විවෘත කෙරෙන්නේ රටේ පාරිභෝගිකයින්ටත්, නිෂ්පාදකයින්ටත් යන දෙකොට්ඨාශයටම සෙත සැලසෙන පරිද්දෙනි. වෙසෙසින්ම එක්සත් ජාතික පක්ෂ චින්තනයේ මූලිකාංගයක් වන්නේ සහනශීලී බදු බරයි. ජනතාව කෙරේ අධික බදු පනවනවා වෙනුවට නිවැරදි ප්‍රතිපත්ති සහ කළමණාකරණය හරහා නව නිෂ්පාදන මෙන්ම කුඩා සහ මධ්‍ය පරිමාණ කර්මාන්තකරුවා දිරිගැන්වීම මෙහි විශේෂත්වයකි. බොහෝ දෙනෙක් කතා කරන සහනාධාර වෙනුවට එජාපය දිරිගන්වනුයේ අවස්ථාවන්ය, සමාජයේ එක් කොටසකට සහනාධාර දීම උදෙසා තවත් කොටසක් බදු බරින් පෙලෙනවා වෙනුවට ස්වකේය කුසලතාවන් අනුව දියුණු විය හැකි මාර්ගයක් කෙරේ යූඇන්පී අපි විශ්වාස කරමු. සැමට එක හා සමානව තම වෘත්තීන්ගේ නිරත වෙමින් නැගී සිටිය හැකි සමාජයක් යෝජනා කරන අප සමාජයේ අනේක විධ ගැටළුවලට මුහුණපාන දුප්පතුන්ගේ ප්‍රශ්නවලට එදා වේල පමණක් තහවුරු කෙරෙන පැලැස්තර විසඳුම් වෙනුවට දිගුකාලීන තිරසාර විසඳුම් කෙරේ විශ්වාසය තබමු. සංවර්ධනය වූ කලී භෞතික සහ යටිතල පහසුකම් සංවර්ධනය පමණකැයි ඇතැමෙක් සිතුවද එජාපයේ අපි සිතන්නේ සංවර්ධනය යනු පාලම් බෝක්කු ඉදිකිරීමට එහා ගිය නිවැරදි ආර්ථික ප්‍රතිපත්ති මත පදනම් වූවක් බවයි. එක්සත් ජනතා නිදහස් සන්ධානය උදහස් නගන පරිදි කොපමණ පාලම්, බෝක්කු, පාරවල් පහුගිය වසර 6 තුළදී නිම කර තිබුණද 2009 අප රටේ අපනයන ප්‍රමාණය 2008ට වඩා 13%කින් පහළ බැස තිබුණි. මෙය ශ්‍රී ලංකා නිදහස් පක්ෂය ප්‍රමුඛ මැද මාවතේ ආර්ථික ප්‍රතිපත්ති අගය කරන්නන්ට සිතන්නට යමකි, ඔය කියන සංවර්ධන ඇත්තටම සිදු වුණා නම් සන්ධානයේ දේශීය ආර්ථික ප්‍රතිපත්තිය හරහා මහ බැංකු වාර්තා අනුව එතරම් දරුණු ලෙස අපනයන ප්‍රමාණය පහළ බසින්නේ වැරැදි ආර්ථික ප්‍රතිපත්තීන් හැර අන් කවර හේතුවක් නිසාද??

අනෙක් අතට එජාපය විශ්වාස කරන විදේශ ප්‍රතිපත්තිය නම් ලොව සෙසු රටවල් සැමෙකක් සමඟම මිතුදම් පවත්වමින් ලෝකය සමඟ පෙර ගමන් යෑමයි. ලොව කොන් වූ රටක් ලෙස නැගී සිටීමේ ප්‍රායෝගික දුෂ්කරතාව එජාපය හොඳින් වටහා ගෙන ඇත.

එක්සත් ජාතික පක්ෂය යනු මෙරට සියළු ජනවර්ග සහ ආගම් නියෝජනය කෙරෙන සැබෑ ලෙසම එක්සත්වූත් ජාතිකවූත් පක්ෂයකි. 1946 සැප්තැම්බරයේ අපේ පක්ෂය ඇරැඹුණු දා පටන්ම අප ජනවාර්ගික සහයෝගීතාව අගය කළෙමු. සෑම ජනවර්ගයකටම තමන්ගේම ශ්‍රී ලාංකේය අනන්‍යතාවයකින් යුක්තව අභීතව ජීවත්විය හැකි සමාජයක් ගැන යූඇන්පිය විශ්වාස කරයි. ඒ පදනම මත 1948දී මෙරටට නිදහස දිනා දීමට මූලික වූයේ එජාපයයි. ඇත්ත වශයෙන්ම එදා ඩී.ඇස්. සේනානායක ඇතුළු පතාකයින් යූඇන්පිය නිර්මාණය කරනුයේ ඒ පදනම මතිනි. බෞද්ධ දර්ශනය සුරැකුමට ප්‍රමුඛ ලෙස ක්‍රියා කළ යුතු බව එක්සත් ජාතික පක්ෂය දැඩි ලෙස විශ්වාසය කළද අන් කිසිඳු ආගමකට අවැඩක්, අසාධාරණයක් නොවන පරිද්දෙන් කටයුතු කරමින් ජනතාවගේ ආගමික නිදහස තහවුරු කරලීම එජාපයේ මතවාදයයි. විශේෂයෙන්ම එක්සත් ජාතික පක්ෂය ජාතිවාදීන්ට, ආගම්වාදීන්ට නුසුදුසු පක්ෂයකි. එකම රටක් තුල විධිමත් ලෙස බලය බෙදා හැරීම හරහා උතුරු, නැගෙනහිර පමණක් නොව සමස්ථ රටේම ජනතාවගේ සමාජ ආර්ථික අවශ්‍යතා සපුරාලීම සිදුවිය යුතුය යන්න එක්සත් ජාතික පක්ෂ ස්ථාවරයයි. රටේ ප්‍රජාතන්ත්‍රවාදය සුරකිමින් සුදුස්සාට කිසිඳු භේදයකින් තොරව සුදුසු තැන ලැබෙන සමාජයක් ගොඩ නැගීම එක්සත් ජාතික පක්ෂයේ මතයයි.

එදා, 1990 දශකයේ මුල භාගයේදී තමාව කැබිනට් මණ්ඩලයෙන් සහ එක්සත් ජාතික පක්ෂ කෘත්‍යාධිකාරී මණ්ඩලයෙන් ආර්. ප්‍රේමදාස ජනාධිපතිතුමා නෙරපූ විටදීද සිරිලක බිහිවූ කෘතහස්තම දේශපාලනඥයකු වූ ගාමිණි දිසානායක මැතිඳුන් පක්ෂය හැර නොයෑමට ගත් තීරණය වරෙක ඔහු ලංකාදීපයට කියා පෑවේ මෙපරිද්දෙනි

ප්‍ර : ඔබ කැබිනෙට්ටුවෙන් නෙරපා තිබියදීත්, වත්මන් එජාප කෘත්‍යාධීකාරී කමිටුවෙන් සහ වෘත්තීය සමිතිවලින් ඉවත දමා තිබියදීත් තවදුරටත් එජාප පාක්ෂිකයකු ලෙස රැඳී සිටින්නේ ඇයි?
පි : එජාපය කෙරෙහි මගේ පවතින ආකල්පය තවත් අයගේ ක්‍රියාවන් මත රැඳී පවතින්නක් නොවේ. එය කිසිවිටකත් මට කරන ලද්දක් මත රැඳෙන්නක් නොවේ. ඒ සියල්ල් සහමුලින්ම මාගේ ඇතුලාන්තයේ බැඳීම් සහ මා නියෝජනය කරන ජනතාවගේ සිතුම් පැතුම් හා අභිලාෂයන් මත රැඳී පවතින්නක්.

මේ අතර යූඇන්පියේ ප්‍රධාන ප්‍රතිවාදියා එදා පටන්ම රදළ කුලයේ වලව් පැලැන්තියේ අණසකට යටත්ව තිබුණද එක්සත් ජාතික පක්ෂය ඕනෑම තරාතිරමක පුද්ගලයකුට හිණිපෙත්තටම පා නැගිය හැකි වාතාවරණයකින් හෙබි පක්ෂයකි. කොළඹ දුප්පත් වෙළෙන්දෙකු වූ රණසිංහ ප්‍රේමදාස සහ කන්ද-උඩරට, පිළිමතලාව ග්‍රාමයේ සමූපකාර පර්යේෂකවරයකු වූ ඩී.බී. විජේතුංග යන දෙපළ පක්ෂ නායකත්වයට මෙන්ම රටේ ජනාධිපතීත්වයට පත්වූයේ මෙම කරුණ සනාථ කරමිනි.

එක්සත් ජාතික පක්ෂයේ මූලික ප්‍රතිපත්ති රාමුව තුල ඒ ඒ සාමාජිකයාට අනන්‍ය මතයක් දැරීමේ නිදහස එහි පාක්ෂිකයන්ට හිමිවන්නේ පක්ෂයේ ලිබරල් ප්‍රජාතාන්ත්‍රික මූල බීජයන් කෙරේ අවධානය යොමු කරමිනි. මින් දේශපාලනික එහෙයියන් වෙනුවට තම වගකීම හැඳිනගත් පුද්ගලයින් බිහිවේ. එදා යූඇන්පිය හදීසි නීතියට පක්ෂ වෙද්දී මහේෂ්වරන් මන්ත්‍රීතුමා විරුද්ධ වෙද්දී පක්ෂය ඔහුව එජාපයෑන් නෙරපූවේ නැත, ළඟකදී කේ.එන්.චොක්සි මහතා පක්ෂය තුල සිටිමින් මහින්ද රාජපක්ෂ ජනාධිපතිතුමාට ප්‍රශස්ථි ගැයූ නමුත් මෙවරත් ඔහුව එජාප ජාතික ලැයිස්තුවට එකතු කර ඇත්තේ එබැවිනි.

අතීතයේ පටන් එජාපය සිරිලක තුල යෝධ සංවර්ධන ව්‍යපෘති දියත් කර තිබේ ගල්ඔය, කඩිනම් මහවැලිය, කොළඹ බහලුම් වරාය, නිදහස් වෙළඳ කලාප, ලංකාවට අන්තර්ජාල සහ ජංගම දුරකථන තාක්ෂණය හඳුන්වා දීම, ජනසවිය යනාදිය මින් අතලොස්සක් පමණෙකි. පහුගිය රජය ඇරැඹූ සංවර්ධන යෝජනා ක්‍රම රැසකටද එකඟතා ගිවිසුම් අත්සන් කෙරුණේ පසුගිය එජාප රජය විසිනි (නමුත් ඒවා අඛණ්ඩව දියත් කිරීම ගැන අප එම රජයට කෘතඥ විය යුතුය ). මේ සියල්ල ජයගත හැකි වූයේ එජාපයේ නිවැරදි ආර්ථික ප්‍රතිපත්තීන් මේ සංවර්ධන ඉලක්ක වලට අවැසි පරිසරය ගොඩ නගාලීමයි.

ලලිත් ඇතුලත්මුදලි මහතා වරෙක ඉතා බුද්ධිමත් ලෙස කළ ප්‍රකාශය එක්සත් ජාතික පාක්ෂිකයා හඳුන්වා දීමට කදිමයැයි මට හැඟේ.

“කවුද හරි කියා නොව කුමක්ද හරි කියා සිතන්න (What’s right, not who’s right)”

එක්සත් ජාතික පක්ෂය කොපමණ මැතිවරණ පරාජය වුවද එජාපයේ දැවැන්ත මතවාදී දර්ශනය කිසිදා පරාජය නොවනු ඇත. එය දිනෙන් දින දිදුලනු ඇත. මක්නිසාදයත් එක්සත් ජාතික පක්ෂය, තම දෑතේ දෙපයේ වීර්යයෙන් කාටත් අත නොපා නැගී සිටින දේශප්‍රේමී මිනිසුන්ගේ දේශපාලනික තීර්ථ යාත්‍රාව නිසාය.

දෙනෙත් හැර බලන්න. එජාපයේ ජීව ගුණය තේරුම් ගන්න. ඊට එකඟ වුවත් නැතත් රටේ සුබසිද්ධිය තකා මිනිසුන් විවේචණය කරන කලාවෙන් ඈත්ව ප්‍රතිපත්ති විවේචණය කරන කලාවට හැඩ ගැසෙන්න.

ඔබට, රටට ජයෙන් ජය…!!!

– හෙට්ටිගේ ඇන්. පෙරේරා, 2010 මැදින් –

කොටන් අදින්න වගේම. . .කරඬුව ගෙනියන්නත් සුදුසු අපේ ඇත් රජ – ගාමිණී අතුකෝරල

ගාමිණී අතුකෝරල

2002 වර්ෂයේ ජනවාරි පලමුවනදා සියළු එක්සත් ජාතික පක්ෂ පාක්ෂිකයින් සහ සියළු ප්‍රතිපත්තිගරුක ඡන්ද දායකයින් සිත් තුල ශෝකයක් දල්වමින් එජාපයෙන් පාර්ලිමේන්තු සභාව ප්‍රභාවත් කල සම්භාවනීය ජනතා නියෝජිතයෙකු වූ ගාමිණී අතුකෝරාල මහතා දැයෙන් සමුගත්තේය.එජාපයේ අපට අලියා ලකුණ වැදගත් වන්නේ යම්සේද,ඒ වගේම ගාමිණී කියන නමත් වැදගත් දෙයක් වෙනවා.එවකට පක්ශයේ අධිකරණ, නීති ප්‍රතිසංස්කරණ සහ ජාතික ඒකාබද්ධතා අමාත්‍ය සහ බුද්ධශාසන අමාත්‍ය තුමා මෙන්ම සභානායක තුමාද වන ගරු වි.ජ.මු. ලොකුබණ්ඩාර මහතා පාර්ලිමේන්තුව හමුවේ කල සිය ශෝකප්‍රකාශයේ සඳහන් කලේ. . . ,

කවර දේශපාලන පක්ෂයකට වුනත් ආදර්ශයට ගත හැකි චර්යාවක් ගාමිණී අතුකෝරල මහතා තුල තිබුනා.එතුමාගේ කැපවීම ඉතාමත්ම ඉහලයි.අංශක ගණනක් තිබුනේ නැහැ.සියයට සීයයි.එය අඩුවක් නැහැ!

එතුමාගේ පියා විශේෂයෙන්ම එක්සත් ජාතික පක්ෂයට සම්බන්ධ වී කටයුතු කළ, සබරගමුව හෙබවූ විශිෂ්ඨ අන්දමේ ජන නායකයෙකු වූ නිසා, ජේ. ආර්. ජයවර්ධන මහතා වැනි එක්සත් ජාතික පක්ෂයේ නායකයන් ඒ පලාතට ගිය විට එතුමාගේ නිවසටත් යන සිරිතක් තිබුනා.ඒ නිසා ගාමිණී අතුකෝරල මහතා කුඩා කාළයේ සිටම දේශපාලනයට හුරු වුණු කෙනෙක්.එයට හොඳම උදාහරණය වන්නේ විසි දෙවනි වියේදී නිවිතිගල ආසනය සංවිධානය කිරීමට එඛඹෙනවා.එවන් භද්‍ර යෞවනයේ සිටින විටදීයි එතුමා දේශපාලනයට පිවිසියේ.ශාන්ත පීතර විද්‍යාලයේ අධ්‍යාපනය ලැබූ අතුකෝරල මහතා,දේශපාලනයට කැඳවනු ලැබූ විට නිවිතිගල වැනි වමේ බලකොටුවකින් 1977දී පලමු වතාවේදීම 17450 ඡන්ද ලබාගෙන වැඩි ඡන්ද 1655කින් දේශපාලනයට පිවිසෙන්නට එතුමාට හැකිවුනා. ඒ අනුව “බේබි මහත්තයා” නමින් ජනතාවගේ ආදරය දිනාගෙන හිටපු මේ තරුණයා මන්ත්‍රීතුමෙකු බවට එසේත් නොමැති නම් ජනතා නියෝජිතයෙකු බවට පත්වුනා.එසේම ඔහු සතු වූ පෞරුෂය සහ ආකර්ශනීය සිනාව ඔහුව සිය රටවැසියාගේ සිත් තුල නොමැකෙන සටහනක් ලෙස ඉතිරි කිරීමට සහය වුනා.

එතුමාගේ දේශපාලන දිවියේ සුවිශේෂ අවස්ථාවක් වුනේ ගරු රනිල් වික්‍රමසිංහ මැතිතුමා යෞවන කටයුතු පිළිබඳ ඇමතිවරයා ලෙස කටයුතු කරද්දී ගාමිණී අතුකෝරල මැතිතුමා එම අමාත්‍යංශයේ නියෝජ්‍ය අමාත්‍යවරයා වීමයි.කැපවීමලින් තොරව කටයුතු කිරීමෙන් හෝ අඩු ශක්තියකින් කටයුතු කිරීමෙන් හෝ රනිල් වික්‍රමසිංහ මහතා වැනි චරිතයක් සමග වැඩිදුර සම්බන්ධතාවයක් ගෙනයන්නට ලෙහෙසි නැති බව ඉතා ප්‍රසිද්ධ කරුණක්.එහෙත් පසුකලෙක රනිල් වික්‍රමසිංහ මහතා ප්‍රකාශ කර සිටියේ. . . ,

ගාමිණීගේ කාර් එක ජංගම කාර්යාලයක් වගෙයි.

යනුවෙනි.එම ප්‍රකාශයෙන් ගාමිණී අතුකෝරල මහතාගේ කැපවීම මැනවින් විදහනවා.එම කාලය වනවිට තරුණ කටයුතු අමාත්‍යාංශය අලුත් අමාත්‍යංශයකෙය අලුත් අදහසක්.ඒ අවස්ථාවල මෙතුමා රනිල් වික්‍රමසිංහ මැතිතුමාට විශාල සහයෝගයක් දෙමින් කටයුතු කල බව එතුමාගේ අභාවයත් සමග පාර්ලිමේන්තුව තුල නිකුත් වූ ශෝක ප්‍රකාශ තුල සඳහන් වෙනවා.මහවැලි ව්‍යාපාරය සඳහා මූලිකව කටයුතු කලේ අනිත් ගාමිණී,එහෙමත් නැත්තං ගාමිණී දිසානායක ඇමතිතුමා.කැබිනට් ඇමතිවරයෙකු වශයෙන් ගාමිණී අතුකෝරල මැතිතුමා එවකට ජංගම කාර්යාල පවත්වමින් මුළු මහවැලි කලාපය සිසාරා හැම ජනපදයක් කරාම ගිහිල්ලා,දැඩි උනන්දුවකින් එතුමා කටයුතු කල බවද එම ශෝක ප්‍රකාශ තුල සඳහන් වෙනවා.

ගාමිණී අතුකෝරල

එකල ආර්. ප්‍රේමදාස ජනාධිපතිතුමා පාන්දර 4.00 සිට ජනතා සේවයට කැපවී සිටි බව නොරහසක්.ඒ ආකාරයෙන්ම ගාමිණී අතුකෝරල මැතිතුමා පාන්දර 4.00 වන විට අමාත්‍යාංශයේ සිටින බවද,උදෑසන 8.00 – 9.00 වන විට එතුමා ජනතාව හමුවී ප්‍රශ්න හඳුනාගෙන උදෑසන 9.00න් පසු ඒ ඒ අමාත්‍යාංශ සහ ඒ ඒ දෙපාර්තමේන්තු , නිළධාරීන් සම්බන්ධ කරගෙන ඒ මතුවුනු සියළු ප්‍රශ්න විසඳන්නට එතුමා කාලය කැප කල බව එකල හැන්සාඩ් වාර්ථා වල විවාදයන් හී සහ ප්‍රකාශයන් හී සඳහන් වෙනවා.එසේම ඒ සම්බන්ධ වෙනස් කරණයක් කෙරෙහි ගරු වි. ජ. මු. ලොකුබණ්ඩාර මැතිතුමා මෙසේ සඳහන් කර තිබෙනවා.

දුරකථනයට තමන්ම උත්තර දෙන ගතියක් එතුමා ලඟ තිබුනා.එය ඉතාම ආදර්ශ සම්පන්න දෙයක්.අර නිළධාරියා මේ නිළධාරියා නෙමෙයි උත්තර දුන්නේ.ජංගම දුරකථන රාශියක් එතුමා අතේ තියෙනවා.සමහර තැන් වලට සංඥා නැතිවෙන කොට ඊලඟ එකෙන් හරි අමතන්න පුලුවන්.සංඥා නැතිවීම බොහෝවිට දේශපාලනඥයන්ට වාසියක්.ඒත් එතුමා එය වාසියක් විදිහට සැලකුවේ නෑ.යුතුකමක් වශයෙන් එතුමා හැමවිටම සම්බන්ධතාව ඇතිකරගන්න කටයුතු කල කෙනෙක්.ඒ කැපවීම සුලුපටු නැහ, නියෝජ්‍ය කාරක සභාපතිතුමනි.

එතුමා රිදී හැන්දක් මුවැතිව ධනවත් පවුලක ඉපදුනු කෙනෙක්.ඉතින් එතුමාට නැති බැරි කමක් තිබුනේ නෑ.හම්බකිරීම ගැන එතුමාට කිසිම දිනෙක චෝදනාවක් තිබුනෙත් නෑ.එතුමා එජාපයේ උප නායකයා වශයෙන් එවකට සිටි පර්ෂද නායකයන්, අපේ ප්‍රාදේශීය සභා මන්ත්‍රීවරුන් වැනි අය නමින් දන්නා තරමට සමීප සම්බන්ධතාවයක් ඇති කරගෙන සිටියා.එතුමාගේ වතු යායවල්, බූදල ක්‍රමක්‍රමයෙන් නැති වුනා.ප්‍රවාහන සේවය සඳහා යොදවා තිබූ එතුමාගේ ලොරි බොහෝවිට මැතිවරණයක් ඉවරවෙන විට විකිණිලා අවසන් වෙලා තිබුනා.එවන් දේශපාලනයක් එතුමා කලේ.එතුමා කොටන් අදින්න ඉතාම ශූර අලියෙක් වගේම,කරඬුව වඩම්මන්නත් හැම විටම සුදුසුකම් ලබා සිටියා.මෙහිදී එක් ස්ථානයක වි. ජ. මු. ලොකුබණ්ඩාර මැතිතුමා ජනබල මෙහෙයුම සම්බන්ධව මෙසේ ප්‍රකාශ කරනවා.

එතුමාගේ දේශපාලන දිවියේ කූටප්‍රාප්තිය විදියට මා සළකන්නේ එතුමා ඇමතිවරයෙකු වශයෙන් පත්වීම හෝ, අප පක්ෂයේ උප නායකයා වීම හෝ, පක්ෂයේ ලේකම් වීම හෝ නොවෙයි.ජන බල මෙහෙයුම සංවිධානය කල ආකාරයයි.ඒ සඳහා එතුමා දුන් නායකත්වය එක්සත් ජාතික පක්ෂයට නම් කවදාවත් අමතක කරන්න බෑ.

එතුමාගේ අභාවය ගැන අහුවහම රට පුරාම සුදු කොඩි නොනැඟුන ගෙයක් නැති තරමට පක්ෂ විපක්ෂ භේදයක් නැතිව දුක් උන අවස්ථාවක් බවට එය පත්වුනා.විශේෂයෙන්ම එතුමා දේශපාලන භේදයක් නැතිව හැම පන්සලක් සමගම සම්බන්ධතාවයක් ඇතිකරගෙන සිටියා.අවසන් වශයෙන් එතුමාගේ වියෝව සම්බන්ධයෙන් එවකට විපක්ෂ නායක වත්මන් ජනාධිපති මහින්ද රාජපක්ෂ ජනාධිපතිතුමන් කී දෙයින් මදක් විමසා සිටිමු.

අපි දැකලා තියෙනවා,සමහර මන්ත්‍රීවරු, ඇමතිවරු වුනාම ඔවුන් එකපාරටම වෙනසක් ඇති කරගන්න බව.නමුත් ගාමිණී අතුකෝරල එහෙම ආරෝපණය කරගත්ත බලයක් පෙන්වූ ඇමතියෙක් නෙමෙයි. ගාමිණී අතුකෝරල මැතිතුමා ඔහුගේ පක්ෂය බලයට පත් කිරීම සඳහා කටයුතු කලාය කියන එක අප අවිවාදයෙන් පිළිගත යුතු කාරණයක්.

මෙවන් තීරණාත්මක අවස්ථාවකදී එවන් අවංක දේශපාලනඥයෙකු මෙන්ම සොඳුරු මිනිසෙකු අහිමි වීම අප අභාග්‍ය වන අතර,මීට වසර අටකට පෙර ජනවාරි පලමු වැනිදාවක අප හැර ගිය ඒ කොටන් ඇදීමට පමණක් නොව,කරඬුව වඩම්මන්නටත් සුදුසු ඇත් රජුට මෙම ලිපිය උපහාරයක් වන අතර එතුමාට අමා මහ නිවනින් සැනසීම ලැබෙන්නට සදාහරිතයේ අප ඉතසිතින් පතමු.

– රචින්ත ජයවර්ධන, 2010 දුරුතු –

ඇත්තටම එජාපයට දිනන්න බැරිද?

Click here to get Sinhala Unicode.

1994 පටන් එජාපය මැතිවරණ දිනා ඇත්තේ අතේ ඇඟිලි ගාණටය. ඒ ගැන විවිධ මතවාද ඇතිවූවත් මෙම ලියමනේ අරමුණ ඒවා විශ්ලේශණය කිරීම නොවේ. රනිල් නායකයා වූදා සිට අමන එජාප විරෝධීන් එජාපයේ මැතිවරණ පරාජයන් ගනිමින් “”බොළඳ ආතල්” ගනිති. ඇතැමුන්ගේ එකම අභිලාශය එජාපයට බලය ලැබීම වැළැක්වීමයි, ජවිපෙ ශ්‍රීලනිපය හා සන්ධානගත වූයේ යූඇන්පිය පැරදවීමට විනා රටේ සුගතිය සඳහා නම් නොවේ. පසුගිය බස්නාහිර පළාත් සභා මැතිවරණයේදී තිලංග සුමතිපාලට සහය පලකල දේශප්‍රේමියකු ලෙස පෙනී සිටින මගේ මිතුරකු Facebook වෙබ් අඩවියේ සඳහන් කර තිබුණේ කවුරු මහ ඇමැති වුවත් එජාපය පරාද වීම සතුටට කරුණක් බවයි. මේ අද රටේ පවතින එජාප විරෝධයේ තරමයි. අද යූඇන්පීකාරයන්ව දේශද්‍රෝහීන් ලෙස අමු අමුවේ රජය සහ අවශේෂ පාර්ශව හංවඩු ගසමින් පවතී.

මීට සමගාමීව තව අවුරුදු අච්චරකට, මෙච්චරකට එජාපය බලයට නොඑන බවට මත පලවෙමින් පවතින අතර යූඇන්පී පාක්ෂිකයන් සමහරක්ද එම මතයේ සිටීම කණගාටුවට කරුණකි.  අද රටේ ඇතැමෙක් මහින්දට රජකු යැයි ආමන්ත්‍රණය කරන විට, ඇතැමෙක් ඔහුට සදහටම ජනපතිව සිටින්නැයි ප්‍රජාතන්ත්‍රවිරෝධීව ඉල්ලද්දී ජනතාව තුල එවන් අදහසක් ඇති වීම සාමාන්‍යය. ඒ හාහූවන් පසෙකලා යූඇන්පියේ මතු ජයග්‍රහණය කවදාද යන්න අප විමසමු.

ශ්‍රී ලංකා නිදහස් පක්ෂය 1952දී බිහිවීමත් සමඟ රටේ ආණ්ඩු බලය එක්සත් ජාතික පක්ෂය සහ ශ්‍රී ලංකා නිදහස් පක්ෂය අතර තුලනය විය. ශ්‍රී ලංකා නිදහස් පක්ෂය සභාග රජයන් හරහා සැම විටම බලයට පත්වූවේ කිනම් හෝ සමාජයීය ප්‍රශ්නයක් පෙරටු කර ගනිමිනි. 1956 රාජ්‍යය භාෂා ප්‍රශ්නයේ සිට 2004, 2005 “එජාපය රට පාවා දෙනවා” යන තර්කය දක්වා ශ්‍රීලනිපය බලය ලද්දේ සමාජ ගැටඵවක් උලුප්පා ගනිමිනි. එහෙත් එක්සත් ජාතික පක්ෂය සැමවිටම ආණ්ඩු බලය ගත්තේ ආර්ථිකය සහ මිනිසුන්ගේ ජීවන තත්ත්වය පදනම් කරගනිමිනි, 1965, 1977, 2001 මීට කදිම නිදසුන්ය. වත්මන මෙරට ජනයා මහත් ලෙස පීඩාවට පත්කළ සමාජ වසංගතය වූ LTTE ත්‍රස්තවාදය පරාජයට පත්කර ඇත. දැන් රට හමුවේ ඇත්තේ ආර්ථික ප්‍රශ්නයයි. මේතාක් මහින්දගේ ආණ්ඩුව ආර්ථිකය අතින් අත් කරගෙනැති ජයග්‍රහණ ප්‍රමාණය සීමිතය. යුද ජයග්‍රහණ නිසා තම පටි තද කරගෙන ඇති ජනතාව සෘජුවම ආර්ථික අර්බුදයකට මුහුණ පා සිටී. ලාංකේය ජන සමාජයේ දීර්ඝ කාලීන මතකය දුර්වලය, එනිසා යුද ජයග්‍රහණයේ උණුසුම කෙමෙන් පහව යෑමත් සමඟ ආර්ථික ප්‍රශ්නයට මහින්දට පිළිතුරු දීමට නොහැකි වුණොත් ආණ්ඩු විරෝධී රැල්ලක් ඇති වීම වැළැක්විය නොහැකිය. විශේෂයෙන්ම ගෝලීය ආර්ථික අර්බුදය මධ්‍යයේ රට සරුසාර කිරීම සහ ජීවනබර හෑල්ලු කිරීම සැබැවින්ම අභියෝගයකි.

මීට කදිම උදාහරණ දෙකකි. පළමුවැන්න 1988-89 ජවිපෙ භීෂණයයි. මුඵ රටම තම අණසකින් භය කරමින් රට පුරා භීතිය වපුරමින් රට අගාධයට ගෙන යමින් තුබූ ජවිපෙ ත්‍රස්තවාදය යුදමය වශයෙන් පරදවා ජනතාවගේ බිය තුරන් කළද එක්සත් ජාතික පක්ෂය 1994 වන විට විපක්ෂයේ වාඩි කරලීමට ජනතාව තීන්දු කළේය. එවක මතුවෙමින් තිබූ නානාවිධ සමාජ ප්‍රශ්නත් චන්ද්‍රිකාට ජනතාව තුල වූ ආකර්ෂණයත් ඊට හේතුපාදක විය. දෙවැන්න අපට අසන්නට ලැබෙනුයේ 1945 මහා බ්‍රිතාන්‍යයෙනි. ඇඩොල්ෆ් හිට්ලර් ප්‍රමුඛ නාට්සි හමුදාවෝ මුඵ ලොවම යුද්ධයෙන් සලිත කර තිබූ මොහොතක එම ම්ලේච්ඡත්වයට විරුද්ධව වින්ස්ටන් චර්චිල් ප්‍රමුඛ බ්‍රිතාන්‍ය ආණ්ඩුව සටන් වැදුණි. වසර ගණනක රුදුරු සටන් අවසන බ්‍රිතාන්‍ය ප්‍රමුඛ මිත්‍ර හමුදාවෝ හිට්ලර්ගේ නාට්සි හමුදා පරදා ජය ලැබීය. යුද වකවානුව පුරා බ්‍රිතාන්‍ය මහජනතාව චර්චිල්ට සහය දුන්නේ තම බඩගින්න පවා නොසළකා හරිමිනි. යුද ජයග්‍රහණයෙන් ප්‍රීති ප්‍රමෝදයට පත් මහජනතාව චර්චිල්ට වීරයකුගේ සැලකිල්ල ලබාදීමට පසුබට වුණේ නැත. එහෙත් 1945 අවසන සිදුවූයේ කුමක්ද? වසර ගණනක් රට වෙනුවෙන් පටි තද කරගෙන දහදුක් විඳි බ්‍රිතාන්‍ය වැසියෝ මහා සාපයකින් මුඵ ලොවම ගලවාගත් චර්චිල් පරදා ක්ලෙමන්ට් ඇට්ලි ප්‍රමුඛ කම්කරු පක්ෂයට අතිවිශාල ජයක් අත් කරදෙන ලදි. එය එතෙක් ඉතිහාසයේ කම්කරු පක්ෂය ලද විශාලතම ජයග්‍රහණය වීමද විශේෂත්වයකි. ආර්ථික අර්බුදයෙන් හෙම්බත්ව සිටි බ්‍රිතාන්‍ය වැසියන්ගේ මෙම ක්‍රියාවෙන් ඔප් නැංවෙන්නේ අතීතයට වඩා වර්තමානයත් අනාගයත් ජනතාවට වැදගත් යන්න නොවේද?

ශ්‍රීලනිපය එජාපය මෙන් ආර්ථික පරිපාලනයේ දක්ෂයින් නොවෙන බව යථාර්ථයකි. එනිසා මේ තීරණාත්මක මොහොතේ රටේ ආර්ථිකය යුද්ධය ජයටැඹ කරා මෙහෙයවිය හැකි එජාප ආණ්ඩුවක් රටට අත්‍යවශ්‍යය. ඉතින් මේ යන විදියට ආර්ථික පරිපාලනයෙන් මහින්ද රජය තම වල තමා විසින්ම කපා ගනිමින් සිටීයි. උතුරු නැගෙනහිර යළි ගොඩනැගීමට අමතරව සමස්ථ රටවැසියන්ගේම හිතසුව පිණිස කටයුතු කිරීම රජයේ වගකීමයි. යුද උණුසුම පහව යෑමත් සමඟ රජයට තම අත හෝදා ගැනීමට හේතුවක් නැත. බදු පිට බදු පටවමින් අතිවිශාල ඇමැති මණ්ඩලයකට සුර සැප ලබා දෙමින් ආණ්ඩු කිරීම දැලි පිහියෙන් කිරි කනවා වැන්න. එනිසා එජාපය තව දශක ගණනකට බලයට නොඑනවා යැයි කීම කට කහනවාට කියන කතාවක් පමණි.

නමුත් රාජ්‍යය බලය උකුලට වැටෙන තුරු නිදි කිරනවා වෙනුවට එජාපය ජනතා ආකර්ෂණය ගොඩ නගා ගත යුතුය, වාද භේද දුරලා එකමුතු බව ගොඩ නැගිය යුතුය. ආණ්ඩුවේ හොඳ නරක දෙකම විවේචණය නොකර හොඳ දේට සහය දිය යුතුය. ජන විඥානය හොඳින් හඳුනන සජිත්, වජිර, දයාසිරි, ගයන්ත, ලක්ෂ්මන් සෙනෙවිරත්න, ජොන්ස්ටන්, කබීර් හෂීම්, ඉමිතියාස් බාකීර් මාකර්, පාලිත රංගේ බණ්ඩාර, තලතා අතුකෝරළ වැන්නන් ඉදිරියට ගත යුතුමය. පක්ෂයේ පණිවුඩය සාර්ථකව මහජනයාට ගෙන යන අතරේ නායකත්වයද තම ප්‍රතිරූපය ගැන උනන්දු වීම අනිවාර්යයෙන් සිදුවිය යුතුය.

ඉහත කරුණු තෘප්ත කරමින් එජාපය එක්සත්වූත් ජාතිකවූත් පක්ෂයක් ලෙස පෙනීසිටියහොත් එක්සත් ජාතික පක්ෂයේ මතු ජයග්‍රහණය වැඩි ඈතක නොවන බව නිත්‍ය ලෙසම කිව හැකිය.

හෙට්ටිගේ ඇන්. පෙරේරා, 2009 වෙසඟ

H Niles Perera©, May 2009

the UNITED NATIONAL PARTY…

unp-logo1the United National Party was formed on the 6th September of 1946 uniting all ethinicities and religions to assume the leadership of Ceylon after it’s independence from the British empire. D.S. Senanyake was the founding father of the party, he was followed by his son Dudley Senanayake & Sir John Kotelawala into the UNP leadership as well as the Premiership of Ceylon. All these three leaders created a huge revival in the agriculture industry which led to the development of rural areas. J.R. Jayewardene was the next party leader. He achieved a 5/6 power in the 1977 general election by the people who were sick of socialist doctrines. JR became the first executive president of Sri Lanka and was influential in the heavy development work carried out after the victory. UNP introduced a free market economy while building one of the world’s top 10 ports….!!! The unthinkable Mahaweli project which was supposed to be completed within 30 years was done within 6 years. The Gam Udawa was another novel theme which created planned villages making life better for the rural Sri Lankans. Ranasinghe Premadasa assumed the UNP leadership and Presidency in 1989. During his tenure the party split into two due to Premadasa’s feud with Gamini Dissanayake & Lalith Athulathmudali. But even during that time the UNP government continued Gam Udawa, Janasaviya and other projects for the benefit of our citizens. It was during this period that Internet & Mobile Technology as well as Economic Process Zones were built. On the 1st of May 1993 President Premadasa was assasinated by an LTTE terrorist called Babu. D.B. Wijetunga became the president and leader of the UNP after that and lead the remerger with Gamini Dissanayake’s DUNF. During this time the East was fully liberated from the LTTE. At the 1994 general election UNP lost in front of  Chandrika Kumaratunga’s new hope, People’s Alliance. After the loss UNP elected Gamini Dissanayake to be it’s heir apparent and designate leader despite the fact that he was not part of the party for couple of years. This went to show the democracy within the UNP. At the 1994 Presidential election Gamini Dissanayake was the UNP candidate. He started off trailing votes to Chandrika but quickly caught up. At the speed he was gaining the hearts and minds of Sri Lankans he would’ve been the 4th President of Sri Lanka if not for the catastrophic Thotalanga bombing which took away the lives of most of the UNP frontliners. Ranil Wickremasinghe became the next leader of the UNP. He was the 1st person in Sri Lankan history to become a leader of a main political party with a local university degree. In 1999, a failed terrorist attack on Chandrika Kumaratunga spoiled what seemed to be a sure victory for Ranil.. In 2001 the UNP came back to power and took to rebuilding the economy while keeping the LTTE trapped in a global net while the military was strengthened. Despite the economic development Ranil failed to give enough perks to the people and his lack of marketability lead to Chandrika forging an alliance with the radical JVP to topple the UNP govt prematurely. In 2005 again Ranil was spoilt of a Presidential victory when the LTTE engineered a mass election boycott which ensured Mahinda Rajapakse’s victory. The UNP is currently in the opposition knowin that sooner or later their time will come to rule Sri Lanka

Trivia

  • UNP is the largest single political party of Sri Lanka, and the only party to form a govt without any alliances
  • While the leadership of SLFP has remained with the “Radala” caste who is born with a silver spoon in their mouths despite their cries of socialism, the UNP leadership has been held by two ordinary citizens who had nothing to do with noblety. Ranasinghe Premadasa was a son of a humble businessman while D.B. Wijetunga was a rural cooperative inspector from Pilimathalawa.
  • UNP believes in national unity, democracy, a mixed economy which is biased towards the free market economy, devolution of power, individual freedom among other things.

H Niles Perera – April,2009