නොමළ අපි සදාහරිත

ජනපතිවරණයට පසු සදාහරිතය සටහන් පලමු ලිපිය මෙය නොවේ.නිලැස් පෙරේරා සොහොයුරා විසින් මින් පෙර සදාහරිතයට එක් ලිපියක් එක්කර ඇත.එහෙත් අවධාරනය කල යුතු තවත් කරුණු ඇත.පලමුව ජයග්‍රහණය සම්බන්ධව වත්මන් ජනාධිපති මහින්ද රාජපක්ෂ මහතාට අප සුබ පතන්නෙමු.එසේම උතුරු සහ උතුරු නැගෙනහිර ඡන්ද සම්බන්ධව ඉදිරි ලිපියකදී නුදුරේම ගැඹුරින් සාකච්ඡා කිරීමට සූදානමින් සිටිමු.

දූෂණ අක්‍රමිකතා සම්බන්ධ සිද්ධි වාර්තා වුවද,ඔප්පු කිරීමට සාක්ශි ඇතුවා හෝ නැතුව මෙම ජනපතිවරණය දැන් අහවර වී ඇත.එහෙයින් Face Book සමාජ ජාලය තුල මෙන්ම ගෙයින් පිට,ගෙය තුල,මිතුරන් අතර පැවති ජනපතිවරණ යුද්ධයට තිත තැබීමට කල් එල්බ ඇත.එහෙත් තවමත් එම ජයග්‍රහනයේ කුල්මතින් මැත දොඩවන පිරිසක්ද ඇත.පෙර සිටම කිසිඳු ප්‍රතිපත්තියකට යටත් නොවී විවාද කල අප පාසල් පන්තියේ සගයෙකු දැන් උන්මාදයට පත්ව ඇත.මා ජනපති ජයග්‍රහනය සම්බන්ධව සුබ පැතූ කල්හී එතුමා,”කපන්න බැරි අත ඉඹිනවාද?”යැයි ප්‍රශ්න කරමින් සිද්ධිය අවුස්සන්නට තැත් කලේය.මා මින් පෙර කිසිදිනක අත කැපීමට ගොස් නැත.මා සිදුකලේ අත ප්‍රතික්ෂේප කිරීම පමනකි.එසේම මවිසින් දැන් එම අත ඉඹීමට යන්නේද නැත.නමුත් මා සහ සදාහරිතයේ අප එසේ කලේ නම් නුදුරු සුබ අනාගතයේදී මෙය ලක්දිව අති විශිෂ්ඨතම බ්ලොගය වනු නොඅනුමානය.තවත් මා සහෘදයෙකු පැවසුවේ “උඹලා මේ බ්ලොග් හදාගෙන වෙච්ච මහන්සිය අපි දන්නවා.දැන්වත් ඔය ගොන් වැඩ නවත්තපන්” යනුවෙනි.අප එතරම් මහන්සියක් මේ සඳහා වූයේ නැත.අප අපගේ වැඩ මෙනිසා පාඩු නොකර ගත්තෙමු.එහෙත් කොතරම් වැඩ මධ්‍යයේ හෝ එජාප ප්‍රතිපත්ති වලට අනුකූලව අප අපට දිය හැකි සහ අප බ්ලොගය සමග රැඳී සිටි පිරිසට දිය යුතු දෙය නොහොත් සත්‍යය නොවලහා ඉදිරිපත් කලෙමු.අප පක්ෂ බේදයකින් තොරව පැසසිය යුතු දේශපාලඥ්ඥයින් පැසසූයෙමු.අප පක්ෂ බේධයකින් තොරව ලාංකේය දේශපාලනය විවේචනය කලෙමු.මුල සිටම අප සමග අදහස් එක්කරමින් දේශපාලඥ්ඥයන් එක්විය.එයද අපට යම් සවියක් විය.

මෙම ලිපිය ජනපතිවරණය සම්බන්ධව ලිවීමකටත් වඩා ජනාධිපතිවරණයට පෙර සහ පසු නොයෙක් පාක්ෂිකයින්ගේ හැසිරීම් සම්බන්ධව ලිවීමක් යැයි කිවහොත් මා නිවැරදිය.තවත් වරක් මා මිතුරෙකු ජනපතිවරණයෙන් පසු Face Book සමාජජාල වෙබ් අඩවිය තුල නිරුත්තර වනු මා සියැසින් දුටිමි.එහෙත් එක් අවස්ථාවකදීවත් සදාහරිතයේ අප නිරුත්තර වූයේ නැත.මන්ද අප අපගේ ප්‍රතිපත්ති දැන කටයුතු කල හෙයිනි.තවත් සමහර මිතුරන් ජනපතිවරණ දින තෙක් මැදි පිළිවෙතක් අනුගමනය කර ජනපති ජයග්‍රහනයෙන් පසු සහ ඡන්දය දින තුලම තම තමන්ගේ ඡන්ද වැඩි පැත්තට පා කර හැරියෝය.මෙහිදී බ්ලොග්කරුවකු වන මා එක සහෘදයෙකු පැසසිය යුතුව ඇත.ඒ ඔහු ජනපතිවරණ සමය එළඹීමේ සිටම අවසානය තෙක් පක්ෂග්‍රාහී නොවී සාධාරණ දේශපාලන ප්‍රතිපත්ති තුල එල්බ සිටීම හේතුවෙනි.තවත් මා මිතුරන් නිවැසියන් සමගද විවාද කිරීමට ගොස් ප්‍රශ්න ඇතිකරගෙන තිබිණි.මෙවැනි තත්ව මත මෙම ඡන්දයෙන් ජාතික ආරක්ෂාව කෙසේ වෙතත් ජාතික සමගිය නම් බිඳ වැටුනු බව පසක් කල යුතුය.

ඡන්දය.මෙය අවසන්ව ඇත.සංවේදියයෝ තුටු වෙති.ප්‍රදීප් එක්නැළිගොඩ තවමත් අඳුරේය.සදාහරිත අපටද යම් සියුම් කාරියක් කල යුතුව ඇත.නිශ්චිත එල්ලයක් නොමැතිව එල්ල කල මඩ ශරීරයේ නොතැවරුනද පසුබිමේ ගෑවී ඇත.ඒවා සෝදා හැරිය යුතුය.සටහන මෙතෙකින් අවසන්ය.කරුණු අඩුවක් නොව කේන්තිය තීව්‍ර වීම නිසාවෙනි.අවසන කීමට දෙයක් ඇත.

අපද මිහිතලය සිප ගත්තද කැමරාව එදෙසට නොවීය.

– රචින්ත ජයවර්ධන, 2010 නවම්

Advertisements

2 responses to this post.

  1. දැන් ජනාපතිවරණය අවසන් වී ඇති අතරම ඉදිරියේදී නැවත වාතාවක් මේ උණසන්නිය නැවත මතු විය හැකි අතර නැවත වාතාවක් රටේ ගමේ ප්‍රශ්ණවලට “වෙළඳ” ආකාරයේ වටිනාකමක් පාට පාට වලින් තවරා විකිණෙනු ඇති.

    ඇතැම් බිලොග්කරුවන්ගේ ක්‍රියාකලාපයන් හා ලිපි සලකා බලනවිට සදාහරිත තුළින් මධ්‍යස්ථව කරන්නාවු මේ මෙහෙය ඇත්තෙන්ම අගය කරමි.

    සුභ පැතුම්!

    ප්‍රති-පිළිතුරු සැපයීම

  2. සරත් ෆොන්සේකා අත්අඩංගුවට ගෙන ඇත.දැන් සුබ අනාගතය ලැබීමට ආසන්නයි.

    ප්‍රති-පිළිතුරු සැපයීම

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: