සුබ අනාගතයට සුබ පැතුම්!!!

ජනාධිපතිවරණය හමාර වී ඇත, ප්‍රතිඵලය ගැන කුමන කතා බහ පැවැතියද එය නිල ප්‍රතිඵලය ලෙස මැතිවරණ කොමසාරිස්තුමා විසින් ප්‍රකාශයට පත්කර ඇති හෙයින් අප එය පිළිගනිමු. ඊට අනුව අතිගරු ජනාධිපති මහින්ද රාජපක්ෂ මැතිතුමා වැඩි ඡන්ද ලක්ෂ 18කින් නැවැත වතාවක් ජනාධිපතිධුරයට තේරී පතිවී ඇත. එය ජනතාවගේ කැමැත්ත නම් අප එයට හිස නැමිය යුතු අතර මහින්ද රාජපක්ෂ මහතා ඇතුළු එක්සත් ජනතා නිදහස් සන්ධානයටත් එහි ඡන්ද්දායකයන්ටත් ඔවුන් ගොඩනැගීමට පොරොන්දු වූ සුබ අනාගතයට සුබ පැතිය යුතුය. එහෙයින් පොරොන්දු පරිදි ශ්‍රී ලංකාද්වීපය 3වන ලෝකයේ සිට 1වන ලෝකයට ගෙන යෑමට ජනාධිපතිතුමාට ආශිර්වාද කරන අප ඒ සඳහා රටේ සුබසිද්ධිය වෙනුවන් අවශ්‍ය දායකත්වය සැපයීමට සූදානම් බවද ප්‍රකාශ කිරීමට කැමැත්තෙමු.

ව්‍යවස්ථාප්‍රකාරව 2005 ජනාධිපතිවරණයෙන් ලත් ජනවරමින් 2010 නොවැම්බර් 19දා තෙක් ජනාධිපතිධුරයේ කටයුතු කිරීමේ වරප්‍රසාදය මහින්ද රාජපක්ෂ මැතිතුමාට හිමිය. ඒ අනුව දෙවැනි ධුර කාලය සඳහා හෙතෙම 2010 නොවැම්බර 19දා දිවුරුම් දුන්නෝතින් 2016 නොවැම්බර් 19දා තෙක් ශ්‍රී ලංකාවේ ජනාධිපතිතුමා ඔහුය. ඒ කාලය තුල ඔහු ඉටු කරන වගට ප්‍රතිඥා දුන් මහින්ද චින්තන ඉදිරි දැක්ම ප්‍රතිපත්ති ප්‍රකාශනය ක්‍රියාත්මක කරනු ඇතැයි අප හුදක්ම අපේක්ෂා කරමු. මහින්ද රාජපක්ෂ ජනාධිපතිතුමාට 2005 ජනාධිපතිවරණයට ප්‍රකාරව 2011 නොවැම්බර් 19 තෙක් ජනාධිපතිධුරය දැරීමේ වරම තිබුණද ඔහු වසර දෙකක් පෙරාතුව ජනාධිපතිවරණය කැඳවමින් කීවේ තමන්ට උතුරු නැගෙනහිර ද්‍රවිඩ සහ මුස්ලිම් ජනතාවගේද ජනවරම අවශ්‍ය බවයි. එහෙත් මෙවර ප්‍රතිඵලයෙන් අපට ගම්‍ය වන්නේ වෙනත් පණිවුඩයකි. අම්පාර, කයිට්ස් සහ සේරුවිල හැරුණු කළ උතුරු සහ නැගෙනහිර සියළු මැතිවරණ බල ප්‍රදේශ මහින්ද රාජපක්ෂ ජනාධිපතිතුමා පරාජයට පත්වී ඇත. එහිදී අතිවිශාල බහුතරයකින් ජෙනරල් ෆොන්සේකා ජයගෙන ඇති අතර අවතැන් ජනතාවගේ ඡන්දය සැලකීමේදී ජනාධිපතිතුමා ප්‍රබල පසුබෑමක් ලබාගෙන ඇත. මේ ප්‍රතිඵලයෙන් රාව ප්‍රතිරාව නැංවෙන්නේ ද්‍රවිඩ එක්සත් විමුක්ති පෙරමුණේ නායක, හිටපු පාර්ලිමේන්තු මන්ත්‍රී වී. ආනන්දසංගරී මහතා උතුරු වසන්තය සහ නැගෙනහිර නවෝදය යන ව්‍යාපෘතීන් විහිළුවක් යැයි කී ප්‍රකාශය නේද?

අපේ රටේ සමහරුන් නම් කියන්නේ උතුරු නැගෙනහිර ජෙනරල් ෆොන්සේකා ජය ලැබුවේ සම්බන්ධන් හා ගිවිසුමක් නිසා බවත් මැතිවරණ සිතියම බැලූ කළ ජෙනරල් ෆොන්සේකා ජයගෙන ඇත්තේ ඊළමේ බවත්ය. මෙවන් අමනොඥ ප්‍රකාශවලින් රටට සිදුවන්නේ දුගතියක් මිස සුගතියක් නොවේ. මෙවැනි පදනම් විරහිත ප්‍රකාශවලින් එකට එක්වූ ජාතිය දෙකඩ් වීමට පොහොර සැපයේ. මෙදා ජෙනරල් ෆොන්සේකා දිනූ නැගෙනහිරම මීට වසර කිහිපයකට පෙර පිල්ලෙයාන්ගේ නායකත්වය යටතේ එක්සත් ජනතා නිදහස් සන්ධානය නැගෙනහිර පළාත් සභා මැතිවරණයේදී ජයගත් බව මේ පදනම් විරහිත ප්‍රකාශ කරන ඊනියා දේශප්‍රේමීන්ට අමතකව තිබේ. එදා යූඇන්පිය දින්නේ ත්‍රිකුණාමලය දිස්ත්‍රික්කය පමණකි, මඩකළපුව සහ දිගාමඩුල්ල යන දෙදිසාවම දින්නේ එජනිසයයි.  එසේම පසුගිය ජනාධිපතිවරණයේදී මහින්ද රාජපක්ෂ මහතා ජයගත් මුලතීව් මැතිවරණ කොට්ඨාශය මෙවර ජයගත්තේ ජෙනරල් ෆොන්සේකාය. මැතිවරණ සිතියම ඊළාම් සිතියම කියා වෛරවාදී ප්‍රකාශ නිකුත් කරන උදවිය කියන්නේ නුවර එළිය, මහනුවර, මීගමුව, කොළඹ, පුත්තලම, පස්සර, ගාල්ල වැනි ප්‍රදේශත් ඊළමට අයත් බවද??

නමුත් පසුගියදා මහින්ද රාජපක්ෂ ජනාධිපතිතුමා ඉන්දියාවේ NDTV රූපවාහිණී නාලිකාව සමඟ සම්මුඛ සාකච්ඡාවකට සහභාගී වෙමින් ලබාදුන් පිළිතුර ප්‍රශංසනීයය. එහිදී ඔහු කීවේ උතුරු නැගෙනහිර වැසියන් තමන්ට විරුද්ධව ඡන්දය දුන්නද ඔවුන් ප්‍රජාතන්ත්‍රවාදය සහ ඡන්ද අයිතිය පිළි ගැනීම විශාල ජයග්‍රහණයක් බවයි, මේ ප්‍රකාශයට අපි එතුමාට ගෞරවය පුද කරන අතර මේ මතය මෙරට ජාතිවාදී ඊනියා දේශප්‍රේමී බලවේගවලටද අවධාරණය කරන ලෙස ජනාධිපතිතුමාගෙන් ඉල්ලා සිටිනුයේ අපට නැවත වතාවක් ජාතිවාදීව කුලල් කා ගැනීමට අවස්ථාවක් නොලැබිය යුතු නිසාය. අප සාමූහිකව ජාතිභේද පසෙකලා සංවර්ධන ගමනේ පා තැබිය යුතු නිසාය.

ශ්‍රී ලංකාව බහුවාර්ගික රටකි, දෙමළ මෙන්ම මුස්ලිම් ජනතාවද මේ රටේම පුරවැසියන්ය. මැතිවරණ ප්‍රතිඵලයෙන් පෙනී යන්නේ සිංහල බෞද්ධ ජනතාවගෙන් අතිමහත් බහුතරය මහින්ද රාජපක්ෂ ජනාධිපතිතුමාට සහය දැක්වුවද දෙමළ සහ මුස්ලිම් ප්‍රජාව ඒ මතයේ නොඉන්නා බවයි. මෙය එක්සත් ජනතා නිදහස් සන්ධානයට සිතීමට කරුණකි. එක එක චෝදනා එල්ල කරමින් වෛරය වපුරනවා වෙනුවට මීට මූලබීජය වූ හේතු සොයා ඊට පිළියම් යෙදීම කාලින අවශ්‍යතාවයක් වන අතර ජනාධිපතිතුමා ඒ ගැන අවධානය යොමු කරනු ඇතැයි අප අවංකව සිතමු.

එලෙසම නිල ප්‍රතිඵල අනුව 57.88%ක් ජනාධිපතිතුමාට සහය දෙද්දී රටේ ඡන්දදායකයන්ගෙන් 42.12%ක් ඔහුට එරෙහිව ඡන්දය පාවිච්චි කර ඇත. මින් කියැවෙන්නේ මෛත්‍රීපාල සිරිසේන මහතා ප්‍රකාශ කළ පරිදි මේ දක්වා ජනාධිපතිතුමා ගෙන ආ වැඩ පිළිවෙළ අඛණ්ඩව ඉදිරියට ගෙන යා යුතුය යන්න නොවන බව මගේ හැඟීමයි. 42.12% ජනාධිපතිතුමාට විරුද්ධ වූයේ මන්දැයි ජනාධිපතිතුමා තේරුම්ගෙන එම ජනතාවගේ අභිලාෂයන්ද ඉෂ්ඨ සිද්ධ කරලීමට ජනාධිපතිතුමා වෙර වීරිය දැරිය යුතුය. ඒ අනුව ජනාධිපතිතුමාට සහය නොදුන් 42.12% සහ ඔහුට ඡන්දය දුන් ජනතාවට එකඟ විය හැකි කරුණු කාරණා පිළිබඳ අවධානය යොමු කරන්නේ නම් මැනවි. ඒ අනුව බදු බර පහත හෙලීම, දූෂණයට, පවුල්වාදයට තිත තැබීම, හොඳ මාධ්‍යය සංස්කෘතියක් බිහි කරලීම, ඇමැති මණ්ඩලය කප්පාදු කිරීම ආදී කරුණු ඉෂ්ට කළහොත් සැබැවින්ම පක්ෂ භේදයෙන් තොරව ශ්‍රී ලාංකේය අප සැවොම දිනුම්ය. මහින්ද චින්තන ඉදිරි දැක්මේ එන යටිතල පහසුකම් සංවර්ධනයට අමතරව බදු බර පහත හෙලා පෞද්ගලික ව්‍යවසාය දිරිගන්වමින් නිවැරදි ආර්ථික ප්‍රතිපත්ති ක්‍රියාත්මක කළහොත් පක්ෂ භේදයෙන් තොරව අප සැමට මේ දේශය ගැන සාඩම්බර විය හැකිය. එවන් මාවතක ජනාධිපතිතුමා අවංකව පා තබන්නේ නම් ඊට හැකි පරිදි සහය සැපයීම පක්ෂ විපක්ෂ අපගේ යුතුකමයි. මෙහිදී “හැකි පරිදි සහය සැපයීම” යන්න වරදවා වටහා නොගත යුතුය, එහෙම කියලා අපි කියන්නේ ප්‍රතිපත්තීන් මත පදනම්ව  රටේ සුබසිද්ධිය වෙනුවෙන් හොඳ දේට හොඳයි කීමත් වැරදි දේ විවේචණයත්, අඩුපාඩු පෙන්වා දීමත් මිස සෑම සියළු කාරණාවකටම “එහෙයි” කීම නොවේ. අප ඒ කාර්යය සද්භාවයෙන් කළහොත් මේ රට වඩාත් සුන්දර දේශයක් වනු නොඅනුමානය.

අවසාන වශයෙන් කිව යුතු යමක් ඇත. ජෙනරල් සරත් ෆොන්සේකා යනු ජාතික වීරයකු බව පක්ෂ විපක්ෂ භේදයෙන් තොරව පිළිගත යුතු අතර ඔහුට කොටි ත්‍රස්තයින්ගේ අවශේෂ පාර්ශව වල තර්ජන එල්ල වන බව නොරහසකි. කුමන දේශපාලන එදිරිවාදීකම් පැවැතියද එතුමන්ගේ ආරක්ෂාව තහවුරු කරනු වස් අවශ්‍ය ක්‍රියාමාර්ගයන් ජනාධිපතිතුමා ගනු ඇතැයි ලංකාවාසී අප අපේක්ෂා කරමු. කරුණා, පිල්ලෙයාන්, දේවානන්ද, වීරවංශ වැන්නවුන්ට විශාල ආරක්ෂාවක් ලබාදෙද්දී ජෙනරල් ෆොන්සේකාට පොලිස් කොස්තාපල්වරු 4ක් පමණක් ලබා දීම වැරදි පූර්වාදර්ශයක් මෙන්ම මහින්ද රාජපක්ෂ ජනාධිපතිතුමාගේ ජයග්‍රහණය තමන් විසින්ම ජනතාව හමුවේ අවතක්සේරු කරනු ලබන වැරදි තීරණයකි. එනිසා මේජර් ජෙනරාල් ජානක පෙරේරා මැතිඳුන්ට සිදුවූ ඛේදනීය ඉරණම ජෙනරල් ෆොන්සේකාට අත්වීමට පෙර එතුමාගේ ආරක්ෂාව සපයා වෛරවාදී දේශපාලනයට විරාමයක් දීම ජනාධිපතිතුමා සතු වගකීමකි.

ශ්‍රී ලංකාවාසී ඔබ සැමට සුබ අනාගතයක් හරහා විශ්වාසනීය වෙනසක්….!!!

හෙට්ටිගේ ඇන්. පෙරේරා, 2010 දුරුතු

13 responses to this post.

  1. එකඟයි!
    මෙතෙක් මා දුටු තවත් අගනා ලිපියක්, සදහන් කර ඇති කරුණු කාරණා සැබෑ වේවා කියාද පතමු.

    ප්‍රති-පිළිතුරු සැපයීම

  2. කපන්න බැරි අත ඉබිමු!

    ප්‍රති-පිළිතුරු සැපයීම

  3. අපක්ෂපාතී වගේම දැඩි මතධාරී නොවන දැක්මකි.
    එහෙත් අපේ වගේම රටේ අවසනාවට ඔබ අප පතන දේ ඉතිහාසයේ සිදු නොවුනි. වර්තමානයේද සිදුනොවේ. අනාගතයේ සිදුවේද යන්න අප නොදනිමු. ඒත් පෙනී යන්නේ නම් අදුරු වළාවන් වීම කොයිතරම් වේදනාවක්ද?

    ප්‍රති-පිළිතුරු සැපයීම

    • නමුත් අතීතය සහ වර්තමානය අඳුරු වූ පමණින් අප අනාගතයට ශාප නොකර අනාගතය දෙස බලාපොරොත්තු පිරි දෑසින් බලමු….. මන්දයත් බලාපොරොත්තුව අපව ජීවත් කරවමින් සාර්ථක අනාගතයකට පාර කියනු ඇති නිසා…🙂

      ප්‍රති-පිළිතුරු සැපයීම

  4. Good article! Hopefully MR and his government will not waste the 7 years ahead of us and do what’s best for this country and it’s people(which is highly unlikely to happen)!😀 Keep up the good work….our contry needs people like you who respects democracy!🙂

    ප්‍රති-පිළිතුරු සැපයීම

  5. nice article and lets see how things go…

    ප්‍රති-පිළිතුරු සැපයීම

    • Great and superb article and I was wondering why all UNP’er cant think like this. what has happened is already happened and we should focus on the future.I agree to whole article and i want to add something to it. that is we need strong opposition to guide the ruling party, but what I can understand is all opposition parties are in mess of danger.
      what I suggest is we need a strong and mindful leader to take the leadership. Ranil is now out dated and his image is already destroyed with the tiger label. We need a strong leader like JR, Premadasa, Even Gamini Athukorala who can wok with the peole, even to walk from kaththragama to colombo.
      Thats what minda did in early nintees and JR did it on 70’s. So we should do it as soon as possible, other wise UNP will loose elephant symbol in near future.
      Need your ideas@@@@@@

      ප්‍රති-පිළිතුරු සැපයීම

      • first of all thank you very much for all the comments…🙂
        I agree with you wholeheartedly Surath.. we need a strong opposition and a strong UNP…. You are right Ranil is outdated…. a decade back he was the real patriot.. He cleared out the LTTE from East and turned to North when the UNP govt was sent home in 1994…. In 2001 he had to resort to a CFA & peacetalks due to SL’s economic situation… and hence people like Mangala, JVP & so on painted tiger stripes on him… So now there are serious questions about Ranil’s electability although his expertise in economics & foreign contacts are valuable assets… I agree with your point that UNP should take an approach similar to that of JR in the 70s by appointing strong organizers to rural electorates, having energetic first row leaders and strengthening the Thrivida Sanwidhanaya…. I suggest Sajith Premadasa should be appointed as National Organizer and Dayasiri as Deputy National Organizer and give viagra to the sleeping mammoth…. We will bring you a blogpost on Sadaharita soon about our ideas on how the party should revitalize… but whether to implement them or not is upto others to decide… we can only suggest and put forward our ideas…🙂

  6. […] This post was mentioned on Twitter by බින්කු கனிஷ்க NArada and Kaushalya Madhawa, Royly Fernando. Royly Fernando said: RT @Binku: සුභ අනාගතයට සුභ පැතුම්… http://is.gd/7jfLu […]

    ප්‍රති-පිළිතුරු සැපයීම

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: