ඔන්න ඕකයි තත්ත්වෙ…..

කුමාර පාතාල කණ්ඩායමක සාමාජිකයෙකි. දවසක් තම පාතාල කණ්ඩායම් නායකයාගෙන් මිදීමට පොලිසියට භාරවෙන්නට සිතන කුමාර පොලිසියට ගොස් “මම අහවල් පාතාල සාමාජිකයා මම පොලිසියට භාරවෙනවා” කිව්වම ඔහුට නියෝජ්‍ය පොලිස්පති තනතුරක් දී තරු පලන්දන්නේ නැත, පොලිස්පතිතුමාගේ නිවෙසේ පදිංචි කරගෙන ඔහුට නිවෙසේ උප-ගෘහමූලිකකම දෙන්නේ නැත.

කුමාරගෙ ගමේම පුෂ්පකුමාර තමන්ගේ දුප්පත්කම හින්ද, රස්සාවක් නැති හන්දා අල්ලපු වත්තෙ කෙහෙල් කැන හොරෙන් කැපලා මාට්ටු උනාම උසාවියෙන් මාසෙකට හිරේ දාන්න නියෝගයක් දෙනව. මේ මනුස්සය මේ තීන්දුව පිළිගන්න බැහැ කියල නිකං හිටියොත් මොකද වෙන්නේ?? ආණ්ඩුවෙ උන්නැහේලා නඩු තීන්දු පිළිගන්නෙ නැහැ කියල මේ මනුස්සය කිව්වොතින්…???

මේ අතර ඔය ගමේ උපාසක අම්මා කෙනෙක්ගෙ තුන්මාසෙ බණට වැඩපු හාමුදුරුනමක් බණක් දේශනා කළා, ඒකෙ උන්වහන්සෙ දේශනා කළේ පාපක්‍රියා කරපු අජාසත්ත කුමාරයගෙ තාත්තා වෙච්චි බිම්බිසාර රජ්ජුරුවන් එක්ක බුදු හාමුදුරුවන්ගෙ කොච්චර කිට්ටු ආශ්‍රයක් තිබ්බද කියල. අසපු වල වැඩ නොහිට ගමේ පන්සලේ වැඩ හිටියට මේ හාමුදුරුවො ආගම දහම් හොඳට දන්නවා, කාටවත් වෛර කරන්නෙ නැහැ. වෙන එකක් තියා හොරකම් කරල අහුවෙච්චි පුෂ්පකුමාරටත් උසාවි යන්න කලින් පිරිත් නූලක් ගැටගැහුවා.

මේ අතර මේ පුංචි ගමේ සිරිමල් නම් වූ කට වාචාල විකටයෙක් ඇත. ගමේ දේශපාලන නායකයන්ට කත් අදින ඔහු ලඟකදී සිට ගමෙන් බිහි වූ තෙවරක් යුදවිමේදී තුවාල ලද අභීත යුද සෙබලාට කඩ පිලේ, බෝක්කුවේ, පාරෙ තොටේදී ගරහයි. යුද්ධයකට තියා උණ්ඩයකටවත් මුහුණ දී නැති ඔහු තම ප්‍රාදේශිය සභාවේ සභාපතිතුමා රැකගනු වස් නොයෙකුත් බොරු බේගල් අවලාද නගන්නේ ගමේ පූජිත නම් වූ වෙදමහත්මයා සමඟ එම සොල්දාදුවා ගමට ද්‍රෝහී වූ බව පවසමිනි. මේ අතර ප්‍රාදේශිය සභාවේ සභාපති උන්දෑ ගමේ ජනතාවගෙන් එකතු කළ සල්ලිවලින් තම නිල නිවෙසේ පාටි දමද්දී ගමේ කඩපිල්වල මුදලාලිලා දිවාරෑ පුරා ඔහුගේ ගුණම වයමින් අන් අයට අවලාද නගන්නේ කිසිඳු හිරිකිතයකින් තොරවය.

මේ ගමේ කියන්නට තොරතුරු කොපමණ තිබුණද… අපි කතාව මෙතැනින් නවතමු…. මෙතැනින් එහාට කතාව වෙනස් කරනවාද නැද්ද යන තීරණය ගතයුත්තේ බුද්ධිමත් ඔබයි…!!!🙂

හෙට්ටිගේ ඇන්. පෙරේරා, 2010 දුරුතු

4 responses to this post.

  1. nice one!!! yes this is that one chance to bring about that change!!!

    ප්‍රති-පිළිතුරු සැපයීම

  2. රට ගැන හිතපු අයට රට ගියා..බඩ ගැන හිතපු අයට බඩ ගියා!!!!!😛😛

    ප්‍රති-පිළිතුරු සැපයීම

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: