Archive for ඔක්තෝබර්, 2009

අසමසම නායකයාණෙනි, ඔබට නිවන් සුව – ගාමිණී දිසානායක උපහාරය

Click here to get Sinhala Unicode.

මීට වසර 15කට පෙර 1994 ඔක්තෝබර් 24දා අලුයම හෝරාවන්ය. එක්සත් ජාතික පක්ෂයේ ජනාධිපතිධූර අපේක්ෂක ගාමිණී දිසානායක මහතා ඇතුළු කෘතහස්ත එජාප දේශපාලකයන් වූ ජී.ඇම්. ප්‍රේමචන්ද්‍ර, ඔසී අබේගුණසේකර, වෛද්‍ය ගාමිණී විජේසේකර, වීරසිංහ මල්ලිමාරච්චි, ක්‍රිස්ටි පෙරේරා තොටළඟදී කුරිරු කොටි බෝම්බයකින් ඝාතනයට ලක් විය. 60කට අධික පිරිසකට මරු කැඳවූ මෙම බෝම්බ ප්‍රහාරයෙන් ශ්‍රී ලංකාවේ අනාගතය උදුරාගත්තේය.

ගාමිණී දිසානායක ශ්‍රී ලාංකේය දේශපාලනයේ ශ්‍රේෂ්ඨතමයෙකි. මාගේ තක්සේරුව අනුව ලක් පොළොවේ ජනිත වූ අද්විතීයම දේශපාලනඥයා ඔහුය. උගත්කමින්, පැසුණු බුද්ධියෙන්, ලෙන්ගතුකමින්, අවංකත්වයෙන් හා ජාත්‍යාලයෙන් සපිරි මෙම පරමාදරිශී දේශපාලනඥයා මහනුවර ත්‍රිත්ව විද්යාලයේත්, පේරාදෙණිය සරසවියේත්, බ්‍රිතාන්‍යයේ කේම්බ්‍රිජ් සරසවියේත් ආදි ශිෂ්‍යයෙකි.

ගාමිණීගේ පියා ශ්‍රී ලංකා නිදහස් පාක්ෂිකයෙකි. හේ 56-60 ශ්‍රීලනිප ආණ්ඩුවේ නියෝජ්‍ය ඇමැති තනතුරක් ඉසිලූ, කොත්මලේ  ආසනයේ ශ්‍රීලනිප මන්ත්‍රී ලෙස කටයුතු කළ ඇන්ඩෲ දිසානායකයි. එහෙත් ගාමිණී දිසානායක සිය දේශපාලන පක්ෂය ලෙස තෝරාගනුයේ එක්සත් ජාතික පක්ෂයයි. ඒ ප්‍රතිපත්තිමය පදනමක සිටිමිනි. එජාපයේ නුවර එළිය – මස්කෙළිය ආසනයේ සංවිධායකයා ලෙස තරුණ අවධියේම තේරී පත්වූ ඒ මහතා 1970 මහ මැතිවරණයෙන් පාර්ලිමේන්තුවට තේරීපත්වන එජාප මන්ත්‍රීවරුන් 18 දෙනාගෙන් ලාබාලතමයා මෙන්ම එකම නවක මන්ත්‍රීවරයා බවටද පත්විණි. එවිට එතුමාගේ වයස අවුරුදු 28කි. 1971දී ඡන්ද පෙත්සමක් නිසා ගාමිණීට අතුරු මැතිවරණයකට මුහුණ දීමට සිදු වූ අතර එහිදීද හේ ජය ලැබීය. විශේෂයෙන්ම තරුණයන්, උගතුන්, කඳුරට වැසියන් තමා කෙරේ ආකර්ෂණය කර ගැනීමේ සුපිරි හැකියාවක් ඔහු සතුව තිබුණි. ඒ අනුව එක්සත් ජාතික පක්ෂයේ ප්‍රබල චරිතයක් බවට පත්වෙමින් තුබූ ගාමිණී 1977 එජාප ජයග්‍රහණයේ පුරෝගාමියකු විය. ඉන්පසුව එලැඹි එජාප රජයේ වාරිමාර්ග, බලශක්ති හා මහාමාර්ග ඇමැතිධුරයත්, පසුව ඉඩම්, ඉඩම් සංවර්ධන හා මහවැලි සංවර්ධන ඇමැතිධුරයත් හෙබවීය. 77-89 එජාප රජයේ ප්‍රබල චරිතයක් වූ ඒ මහතා එම රජයේ ප්‍රධානතම සංවර්ධන යෝජනා ක්‍රමය වූ මහවැලි කඩිනම් ව්‍යාපෘතියට නායකත්වය දුන්නේය. වසර 30කින් නිමැවීමට යෝජිතව තුබූ මෙම ව්‍යාපෘතිය වසර 6ක් වැනි කෙටි කාලයකදී අති සාර්ථක ලෙස නිමා කරලීමට සමත්වීම ගාමිණී දිසානායක මහතාගේ සුවිශේෂීත්වය වඩ වඩාත්ම ඔප් නංවයි. අද අප පරිභෝජනය කරන කෘෂි නිෂ්පාදන වලින් අතිමහත් බහුතරය මහවැලි ව්‍යාපෘතිය හරහා සංවර්ධිත ප්‍රදේශවල වගා කෙරේ.  රටේ විදුලි නිෂ්පාදනයෙන් විශාල ප්‍රතිශතයක් ගාමිණී දිසානායකයන්ගේ නායකත්වයෙන් නිර්මිත මහවැලි විදුලි බලාගාරවලින් ජනනය කෙරේ. මෙම ව්‍යාපෘතිය හරහා රටේ ගොවි මහතුන් රැසකට ඉඩම් හිමි වූ අතර සරුසාර භූමි ප්‍රදේශයක් ජනපදකරණයට ලක් කෙරිණ. ලාංකේය දේශපාලනයේ සන්ධිස්ථානයක් වන ඉන්දු ලංකා ගිවිසුමේදීත් තිරය පිටිපස කාර්යයභාරයක් ඉෂ්ඨ කළ හෙතෙම සාමාන්‍ය ජනතාව මෙන්ම රාජ රාජ මහාමාත්‍යවරුන් ආශ්‍රයේද දක්ෂයකු විය. ඒ බව තවදුරටත් සපථ වන්නේ මහවැලි කඩිනම් ව්‍යාපාරය කෙටි කාලයකදී අවසන් කරගැනීමට ස්වීඩනය, ජර්මනිය, බ්‍රිතාන්‍යය ආදී රටවලින් සහය ලබාගැනීමට එතුමා තුල තිබූ රාජතාන්ත්‍රිකභාවයත් විදේශ නියෝජිතයින් එතුමාට දක්වන ගෞරවයත් නිසාය. එදා මෙදා තුර මහවැලි සංවර්ධනය භාරව ඇමැතිවරු රැසක් පත්වී සිටියත් ගාමිණී දිසානායකයන්ට නිම කිරීමට නොහැකි වූ මහවැලි මහා සෑය, උමා ඔය, මොරගහකන්ද, ඉහළ කොත්මලේ සහ මහියංගණ – මනම්පිටිය දුම්රිය මාර්ගය ආදී කිසිවක් අදටත් තනා නිම කර නොමැත. එයින්ම ගාමිණී දිසානායකයන්ගේ අද්විතීයභාවය රටටම විද්‍යාමාන වේ. ශ්‍රී ලංකා ක්‍රිකට් පාලක මණ්ඩලයේ සභාපතීත්වය ඉසිලූ ගාමිණී ලංකාවට ටෙස්ට් වරම් දිනා දීමෙහිලා අමිල මෙහෙයක් ඉටු කරලීය. අප ක්‍රිකට් කණ්ඩායම ලෝක පූජිත තත්වයකට ගෙන ඒමට හෙතෙම නොගත් වෙහෙසක් නැති තරම්ය.

1988 ජනාධිපතිවරණයේදී රණසිංහ ප්‍රේමදාස දිනවීම තකා ගාමිණී දිසානායක මහත් පරිශ්‍රමයක් ගත්තේය. සංවර්ධනාත්මක බලකාමයෙන් පෙලුණු ගාමිණී නව එජාප ආණ්ඩුවේ අගමැතිධුරය අපේක්ෂා කළේය. එය ඔහුට දිය  යුතුව තිබුණත් ප්‍රේමදාස ජනපතිතුමා, ගාමිණී තමාටත් තම බලයටත් අභියෝගයක් වනු ඇතැයි සිතා ඔහුව බලයෙන් ඈත් කිරීමට උත්සුක වූයේය. ඒ අනුව පළමුව වැවිලි කර්මාන්ත ඇමැතිධුරය ලත් ගාමිණීව පසුව කැබිනට් මණ්ඩලයෙන්ද ඉවත් කිරීමට තරම් ප්‍රේමදාස ජනාධිපතිතුමා අනුවණ මෙන්ම දේශද්‍රෝහී විය.  ජනාධිපතිතුමාගේ අත්තනෝමතික ක්‍රියා කලාපයට එරෙහිව නැගී සිටිමින් ඔහුට එරෙහිව දෝෂාභියෝගයක් ඉදිරිපත් කිරීමට ගාමිණී දිසානායක, ලලිත් ඇතුලත්මුදලිගේ සහ ජී.ඇම්. ප්‍රේමචන්ද්‍රගේ සහයෝගය යටතේ ඉදිරිපත් විය.

Gamini

Gamini

ඒ අනුව ගාමිණී දිසානායකයන් සමඟ ලලිත් ඇතුලත්මුදලි, ජී.ඇම්.ප්‍රේමචන්ද්‍ර, චන්ද්‍රා ගන්කන්ද, ලක්ෂ්මන් සෙනෙවිරත්න, සමරවීර වීරවන්නි, එස්.ඒ.මුතුබණ්ඩා, ප්‍රේමරත්න ගුණසේකර, එදිරිවීර ප්‍රේමරත්න ඇතුළු පිරිසක් පක්ෂයෙන් නෙරපන ලදි. එහිදී තම ප්‍රතිපත්ති පාවා දෙමින් ශ්‍රීලනිපයේ සාමාජිකත්වය ලබා ගනු වෙනුවට ගාමිණීලා වෙනම පක්ෂයක් පිහිටුවීය. එය ප්‍රජාතන්ත්‍රවාදී එක්සත් ජාතික පෙරමුණ නොහොත් “රාජාලියා” පක්ෂය නම් විය. ප්‍රේමදාසගේ දුර්දාන්ත පාලනයට එරෙහිව සටන්වැදි ගාමිණීට නැවත එක්සත් ජාතික පක්ෂය සමඟ එකතු වෙන ලෙස ඉල්ලීම් එල්ල වූයේ ප්‍රේමදාසගේත් ලලිත්ගේත් සැහැසි ඝාතනවලින් අනතුරුවය. ඒ වන විට ගාමිණී මධ්‍යම පළාත් සභාවේ විපක්ෂ නායකයාය. 1994දී මහනුවර දිස්ත්‍රික්කය නියෝජනය කරමින් එජාපයෙන් පාර්ලිමේන්තුවට පිවිසි හෙතෙම විපක්ෂ නායකත්වය සඳහා එජාපය තුල පැවැති ඡන්ද විමසීමෙන් රනිල් වික්‍රමසිංහ පරදා විපක්ෂ නායකත්වය හිමිකර ගත්තේය. 1994 නොවැම්බර 9ට යෙදුනු ජනාධිපතිවරණයේ එක්සත් ජාතික පක්ෂ ජනාධිපතිධුර අපේක්ෂකයා වූ ගාමිණී නාමයෝජනය දෙන විට එජාපය මැතිවරණය පරාජය වන සේයාවක් තිබුණි. නමුත් කෙටි කලකදී දහස් සංඛ්‍යාත ජනතාවකගේ සිත් දිනාගනිමින් ජයග්‍රහණය කරා පිය මැනි මේ අද්විතීය දේශපාලනඥයා කොටි බෝම්බයකින් බිලි ගත්තේ එක් අඳුරු නිමේෂයකදීය.

අප රටට රටක් වටින බුද්ධිමත්, ගුණ නැණ බලෙන් යුතු, ලෙන්ගතු, ආදරණීය නායකයකු මෙන්ම රටේ සුභ අනාගතයද එම වියරු ප්‍රහාරය සමඟ අහිමි විය. ගාමිණී වැනි රට ගැන මනා දර්ශනයකින් හෙබි කෘතහස්ත දේශපාලනඥයකුගේ අඩුව අද වෙන කවරදාකටත් වඩා දැනේ. එවැනි යුගපුරුෂයකු බිහිවන තුරු අප සැවොම බලා සිටිමු.

අද්විතීය, කෘතහස්ත නායකයාණෙනි… ඔබට නිවන් සුව…

හෙට්ටිගේ ඇන්. පෙරේරා, 2009 වප්

H Niles Perera©, October 2009

Advertisements

දකුණේ තීන්දුව

Click here to get Sinhala Unicode.

දකුණු පළාත් සභා මැතිවරණය නිමවී සතියක් ගෙවී හමාරය. මැතිවරණයට පෙරත්, පසුත් අපට අසන්නට, දකින්නට ලැබුණු කරුණු කාරණා අතරින් මැතිවරණය තීරණාත්මක මෙන්ම විටෙක ආන්දෝලනාත්මක පසුබිමක් ඉසිලූ බව කීම නිවැරදිය. දකුණේ ප්‍රබල ඡන්ද ව්‍යාපාරය, මැතිවරණ ආශ්‍රිත ප්‍රචණ්ඩ ක්‍රියා, අනර්කලීගේ සහ සජින් වාස්ගේ දේශපාලන ආගමනය, 85% 90% කතා නිසා මැතිවරණ කාලය පුරාවටම දේශපාලනයට සංවේදී කාගේත් ඇස් කන් දකුණ දෙසට යොමු වී තිබුණු බව අමුතුවෙන් කිව යුතු නොවේ.

මෙම මැතිවරණයේදී රටේ විශාලතම තනි දේශපාලන පක්ෂය වන එක්සත් ජාතික පක්ෂය පරාජය වූ බව සත්‍යය, ආණ්ඩු බලය හිමි එක්සත් ජනතා නිදහස් සන්ධානය 2/3ක බහුතර බලයක් සමඟ ආසන 53ක් සපිරි පළාත් සභාවෙන් ආසන 38ක් දිනද්දී එජාපය දින්නේ ආසන 14කි. මෙතෙක් කල් සන්ධානයෙන් ඉවත් වූ පසු හතරගාතේ වැටී සිටි ජවිපෙ දකුණෙන් නව පන්නරයක් ලැබූ බව අකැමැත්තෙන් වුවද පිලිගත යුතුය. එක් දිස්ත්‍රික්කයකින් එක් ආසනයක් බැගින් හිමිකරගන්නා අතරදී හම්බන්තොට දිස්ත්‍රික්කයෙන් 11%ක් ඉක්මවූ ඡන්ද ප්‍රතිශතයක්ද වර්තා කරගත්තේ තම ඡන්ද පදනම තවමත් ශක්තිමත් බව පෙන්වමිනි. එක්සත් ජනතා නිදහස් සන්ධානය මැතිවරණ කාලසීමාව මුළුල්ලේම 80%, 85%, 90% අභිබවන පව පුරසාරම් දෙඩීය. ජනාධිපතිතුමා තම ආසනය වූ බෙලිඅත්තේදී කෑ මොර දෙමින් කීවේ බෙන්තර ගඟෙන් එහා උපන් තමන්ටත් ආණ්ඩුවටත් 90%ක ඡන්ද ප්‍රතිශතයක් දකුණේ ජනතාව ලබාදෙන බවය. ජනපතිතුමා හම්බන්තොට වීමත් හම්බන්තොට ක්‍රියාත්මක කෙරෙන්නා වූ යෝධ සංවර්ධන ක්‍රියාකාරකම් නිසාත් මොණරාගල ශෂීන්ද්‍ර ඉක්මවූ 80% හම්බන්තොටින් පහසුවෙන්ම ඉක්මවනු ඇතැයි පක්ෂ විපක්ෂ භේදයෙන් තොරව මහජනතාව සිතීය. එහෙව් වටපිටාවක් තුල 2004දී ලත් ආසන 36, ආසන දෙකකින් වැඩිකරගෙන 67%ක් ඡන්ද ලබා ගැනීම සැබැවින්ම උඩ පනින්නට කාරණාවක්ද? ආණ්ඩුව හුවා දක්වන ආකාරයේ ජයග්‍රහණයක් දකුණෙන් ලබා ගැනීමට අපොහොසත් වී ඇත. වෙසෙසින්ම මහින්ද රාජපක්ෂ ජනපතීන්ගේ ගම් පියැස්ස වූ හම්බන්තොට දිස්ත්‍රික්කයේ මෙවර සන්ධානය ලබාගත් ඡන්ද ප්‍රතිශතය 67%ක් පමණය. නමුත් 2004දී සන්ධානය එහිදී 70% ඉක්මවන ඡන්ද ප්‍රතිශතයක් දිනීය. හම්බන්තොට වරාය, ගුවන්තොටුපළ ඉදිවෙද්දී මෙය සිදුවීමද සැලකිල්ලට ගත යුතුමය. යුද ක්‍රියාන්විතය සිදු වන කාල සීමාව පුරා රැල්ලට අතිමහත් ඡන්ද ප්‍රතිශත වලින් දිනාගෙන ආ පළාත් වලට හාත්පස වෙනස්ම තීරණයක් කවදත් ශ්‍රී ලංකා නිදහස් පක්ෂයට හා සමාජවදී බලවේග වලට හිතැති දකුණු පළාත ලබාදී තිබේ. තවද රජය විසින් දිගින් දිගටම තමන්ට එරෙහිව නැගෙන සියළු චෝදනා “කුමන්ත්‍රණ” ලෙස හංවඩු ගසා දේශපාලන පසුම්බිය තර කර ගැනීමට ගත් උත්සහයද සෑහෙන පමණ ව්‍යර්ථ වී ඇති බව බැලූ බැල්මට පෙනී යයි.

යූඇන්පිය 2004දී ආසන 19ක් දිනීය, නමුත් මෙවර ඔවුන්ට හිමිවී ඇත්තේ ආසන 14ක් පමණි, ඡන්ද ප්‍රතිශතය 25%කි. එහෙත් මැතිවරණයේ ප්‍රකාශිත ප්‍රතිඵලය එසේ වද්දී යූඇන්පීය මැතිවරණයේදී සැලකිය මනා ජයග්‍රහණ රැසක් අත්පත් කර ගත්තේය. ආණ්ඩුවට ආසන 43ක් “ෂුවර්” බව ඩලස් කියද්දී, 80%, 85%, 90% ගේමක් නැති බව ඇමැතිවරු කියද්දී, ආණ්ඩුවේ මහ එකාගේ සිට පොඩි එකා දක්වා දකුණේ පැල් බැඳගෙන ප්‍රචාරණය කරද්දී. ගහක් ගලක් ගානේ මුල්ගල් පැල කරද්දී, රාජ්‍ය මාධ්‍යයේ උදේ සිට සවස් වනතුරු දකුණේ සංවර්ධනය ගැන කයිවාරු ගසමින් එජාපයට මඩ ගසද්දී, එජනිසයේ අපේක්ෂකයන්ගෙන් බහුතරය මැති ඇමැතිවරුන්ගේ සහෝදරයින්, පුතුන්, හෙන්චයියන් වෙද්දී, එජාප ප්‍රචාරණ ව්‍යාපාරයට විවිධාකාර බාධා එල්ල කරද්දී, ජනපතිතුමා දකුණේ හතර දිග්භාගයේ සැරිසරමින් මැතිවරණ කටයුතු මෙහෙයවද්දී, අරලිය ගහ මැදුරට දකුණෙන් සෙනග ගෙනැවිත් මහජන මුදල් වියදම් කර රාජභෝජනවලින් සංග්‍රහ කරද්දී, මේ ලත් ප්‍රතිඵලය සැබැවින්ම ප්‍රශංසනීයය..

මනාප ප්‍රතිඵල කෙරේ අවධානය යොමු කරද්දී පෙනී යන්නේ එජනිසයේ ශක්තිමත් දෙවන පෙලක් බිහිවී නොමැති බවයි. පක්ෂයේ ඉහල පෙලේ ඇත්තන්ගේ ඥාතීන් වන රන්දිම ගමගේ, සරත් යාපා අබේවර්ධන, කංචන විජේසේකර වැන්නවුන් හා ජනපතිතුමාගේ කිට්ටු හිතෛශීන් වන සජින් වාස් ගුණවර්ධන වැන්නවුන් මෙන්ම ජාතික තලයේ ලොකු අනාගතයක් නැති අනර්කලීලා, නිශාන්ත මුතුහෙට්ටිගමලා සන්ධානයෙන් දිනීය. එජනිසයේ උගතකු යැයි කිව හැකි නැවුම් මන්ත්‍රීවරයකු ලෙස තේරීපත් වූයේ මාතර දිස්ත්‍රික්කයේ චන්දිමා රාසපුත්‍ර මහතා පමණි. සෙස්සන් අතරේ එජනිසයේ ලොකු අනාගතයක් පෙන්වන උදවිය නම් දක්නට නැත. අනෙක් අතට “ජනාධිපතිතුමාගේ ආශිර්වාදයෙන්” දෙශපාලන කරළියට බට සජින් වාස්, අනර්කලී, අරුණ ගුණරත්න වැන්නන් ජාම් බේර ගද්දී, ඩී.ඩබ්. ප්‍රතාපසිංහ, සුසන්තා චන්ද්‍රමාලී වැන්නවුන්ට පරාජය හිමිවූයේ කලක පටන් තමන් නියෝජනය කළ ප්‍රාදේශීය දේශපාලකයින්ට “ජනාධිපති ආශිර්වාදයට” වඩා තමුන් සලකන බව විද්‍යාමාන කරමිනි. කෙසේ වෙතත් එක්සත් ජනතා නිදහස් සන්ධානයේ මනාප ප්‍රතිඵල දෙස නෙත් යොමන කල්හී ඉතාමත්ම සුබදායී කරුණු කිහිපයක් නෙත ගැටේ. ඒ අන් කවරක්වත් නොව විමල් වීරවංශගේ ජාතික නිදහස් පෙරමුණේ අන්ත පරාජයයි. ජානිපෙන් බුලත් කොලය යටතේ දකුණු පළාත් සභාවට තරඟ කළ කිසිවකුත් ජයගෙන නැති අතර පළාත් සභාවේ ආසන 53ම සන්ධානයට හිමි වුවද, දකුණින් 85% “ෂුවර්”, විපක්ෂෙ ඉවරයි කියා රැස්වීමක් රැස්වීමක් පාසා කෑ මොර දුන් විමල්ගේ ගෝලයෝ 3 දෙනාට පළාත් සභාවට යා නොහැක්කේ ඔවුන් ඒ ඒ ලැයිස්තුවල අඩියේම සිටින බැවිනි. විමල්ගේ හැඩරුවට සමානකම් දක්වන ඔහුගේ සොයුරු සරත් වීරවංශ මාතරින් තරඟ කළ අතර ඔහු එම දිස්ත්‍රික්කයේ අන්තිමයන්ගෙන් දෙවැනියාය. මෙම පරාජයේ බරපතලකම මැනවින් පැහැදිලි වන්නේ බොහෝ දෙනා නොහඳුනන යල් පැන ගිය වාමාංශික පක්ෂයක් වූ ශ්‍රී ලංකාවේ කොමියුනිස්ට් පක්ෂය විසින් බුලත් කොලය යටතේ ඉදිරිපත් කළ අපේක්ෂකයන් සිව් දෙනාම පළාත් සභාවට තේරී පත් වීමෙනි. එදා කොමියුනිස්ට් හා සමසමාජ පක්ෂවල බිඳ වැටීමට තොර තෝංචියක් නැතිව හිනාවූ විමල් වීරවංශට දෛවය සරදමක් කර ඇති ආකාරයකි. එහෙත් විමල් වීරවංශට නම් ලැජ්ජාවක් නැති ගාණය, පහුගිය දා දකුණේ දේශපාලන තීන්දුව ආන්ඩුවට “අනතුරු සංඥාවක්” ලෙස නිවැරදිව අර්ථ කථනය කළද දකුණේ ජනතාව තමන්ව කුණු බක්කියට විසි කිරීම ගැන කිසිත් නොකීය. එලඹෙන මහ මැතිවරණයේදී ජාතික ලැයිස්තුවට රිංගා නොගත්තොත් විමල් වීරවංශ නම් කට වාචාලයාටත් එක්සත් ජනතා නිදහස් සන්ධානයේ පාක්ෂියෝ නිවැරදි තීන්දුව දෙන බව හැඟී යයි. පහුගියදා යූඇන්පිය හැරදා සන්ධානයට එකතු වූ ජස්ටින් ගලප්පත්ති හිටපු විපක්ෂනායකතුමා නූලෙන් දකුණු පළාත් සභාවට රිංගා ගෙන ඇත්තේ මාතරින් ආසන 12ක් හිමි සන්ධාන ලැයිස්තුවේ 11 වැන්නා ලෙසය.

දැන් අපි එක්සත් ජාතික පක්ෂය දෙසට හැරෙමු. එජාපයෙන් මාතර පළමු තැන දිනාගත්තේ බුද්ධික පතිරණයි. ඔහු එහිදී වාර්තාගත 61% ඉක්මවූ මනාප ප්‍රතිඵලයක් ලැබීය. එය ඔහුගේ සුවිසල් ජයග්‍රහණයකි. එම ප්‍රතිඵලයෙන් ගම්‍ය වනුයේ මාතර බුද්ධිකට ලොකු ජනප්‍රසාදයක් ඇති බවය. දකුණු පළාත් සභාවේ නව විපක්ෂ නායකයා වන ඔහු එලැඹෙන මහ මැතිවරණයේදී පහසු ජයක් වාර්තා කරන බවට අනාවැකි පල කරන්නට ජ්‍යාතිෂ ශාස්ත්‍රඥයින් අවශ්‍ය නැත. මාතරින් එජාපය දිනූ ආසන 5න් දෙවැන්නා වූ ගයාන් සංජීව පළාත් සභාවට නවක මුහුණකි, පස්වැනි තැන දිනූ ව්‍යාපාරිකයකු වන වින්දන නිශාන්තද දේශපාලනයට නවක මුහුණකි. පිළිවෙලින් තෙවන සහ සිව්වන ස්ථාන කපිල වෙල්ලප්පිලි සහ සිරිසේන විජයවික්‍රම යන පරිනත දේශපාලකයින් දෙදෙනා අත් පත් කරගත්හ. ගාල්ලේ එජාප ලැයිස්තුවේ පළමු තැන දිනාගත්තේ තරුණ ප්‍රාදේශීය සභා විපක්ෂ නායකයකු වූ ක්‍රිශාන්ත පුෂ්පකුමාර මහතාය. ඉතාමත්ම ජවසම්පන්න ක්‍රියාකාරී දේශපාලනඥයකු වූ ඔහු දකුණු පළාත් සභාවට නවක මුහුණකි. දෙවැන්නා ලෙස මනූෂ නානායක්කාර මහතා තේරීපත්ව ඇත. මේ දෙපලටම ඉදිරි මහ මැතිවරණයකදී පාර්ලිමේන්තු වරම් දිනාගැනීමේ විශාල ඉඩකඩක් ඇත. තුන්වැනි තැන ගාල්ල දිස්ත්‍රික් කණ්ඩායම් නායක බන්දුලාල් බණ්ඩාරිගොඩ මහතා හිමිකරගෙන ඇත. සිව්වැන්නා, පස්වැන්නා සහ හයවැන්නා හිටපු පළාත් සභා මන්ත්‍රීවරුන් වන අශෝක ධනවංශ ද සිල්වා, විජේපාල හෙට්ටිආරච්චි සහ මෛත්‍රී ගුණරත්න යන මහත්වරුන් විසින් දිනා ගෙන තිබේ. හිටපු පාර්ලිමේන්තු මන්ත්‍රීවරයකු වන කථිකාචාර්ය ජයන්ත ජයවීර මහතාත් කැලණිය විශ්වවිද්‍යාලයේ ජාත්‍යන්තර සබඳතා පිළිබඳ හිටපු කථිකාචාර්ය සම්පත් සුබසිංහ ආරච්චි මහතාත් අවාසනාවන්ත ලෙස පළාත් සභාවට තේරී පත්වීමට සමත්වී නොමැත. හම්බන්තොටින් හිටපු පළාත් සභා මන්ත්‍රීවරුන් තිදෙනකු වන ටී.ජී. සේනාරත්න, නිමල් ලාල්චන්ද්‍ර සහ සෝමපාල ඒකනායක යන මහත්වරු එජාපයෙන් තේරී පත්වී තිබේ.

මෙහිලා හුවා දැක්විය යුතු සුවිශේෂී කරුණක් ඇත. පහුගිය කාල වකවානුව පුරා රටේ පළාත් 8ක් පුරා පැවැති පළාත් සභා මැතිවරණ සියල්ල එක්සත් ජාතික පක්ෂය පරාජය වුවත් එම කළු වළාකුළේ රිදී රේඛාවක් ඇති බව බොහෝ දෙනා තේරුම් නොගනී. ඒ අන් කවරක්වත් නොව එම මැතිවරණ වලදී එජාපයෙන් ජවසම්පන්න බුද්ධිමත් නව දේශපාලන මුහුණු රැසක් බිහි වූ බවය. රුවන් විජේවර්ධන, බුද්ධික පතිරණ, දයා ගමගේ, අජිත් පී. පෙරේරා, ක්‍රිශාන්ත පුෂ්පකුමාර, ජානක තිස්සකුට්ටිආරච්චි, හරීන් ප්‍රනාන්දු, වෛද්‍ය තුසිතා විජේමන්න, සුජීව සේනසිංහ, අජිත් මාන්නප්පෙරුම, මංජු අරංගල, මනූශ නානායක්කාර, මොහාන් ලාල් ග්‍රේරු වැන්නන් 1989දී නට්ටං වී තුබූ ශ්‍රී ලංකා නිදහස් පක්ෂයේ අලුත් මුහුණු වූ එස්.බී.ලා, මංගලලා, ජෙයරාජ්ලා, මෛත්‍රීපාලලා 1989 මහ මැතිවරණයේ 2/3ක අන්ත පරාජයකින් ගොඩ ගෙන 1994දී ජයග්‍රහණයකට මෙහෙය වූවා මෙන් එක්සත් ජාතික පක්ෂයටද නව පණක් ලබා දී ඉදිරියේදී ජයග්‍රහණය කරා මෙහෙයවනු ඇත.

ඒ අනුව බලන කල්හී දකුණේ ජනතා තීන්දුව ව්‍යාකූලය. මෙහි නිශ්චිත පරාජිතයෙක් හෝ ජයග්‍රාහකයෙක් සොයාගත නොහැකි ආකාරයේ ගැඹුරු තීන්දුවක් ඔවුන් ලබා දී ඇත. නමුත් විශ්ලේෂනාත්මකව බලන කල්හී 2009 දකුණු පළාත් සභා මැතිවරණයේ ලොකුම ජයග්‍රාහකයා බුලත් කොළය යටතේ තමන් ඉදිරිපත් කළ සියළු අපේක්ෂකයන් ජයග්‍රහණය කරා මෙහෙයවූ ශ්‍රී ලංකාවේ කොමියුනිස්ට් පක්ෂයයි, ලොකුම පරාජිතයා ඇපත් නැතිව පැරැදුනු විමල් විරවංශගේ ජාතික නිදහස් පෙරමුණයි. දැන් එක්සත් ජාතික පක්ෂය කළ යුත්තේ මෙම මැතිවරණයේ කළ කී අඩුපාඩු හදාගෙන ඉදිරි මැතිවරණවලට මුහුණදීමයි. එසේ කළහොත් ආණ්ඩුවේ මෙම පසුබෑමත් සමඟ එලැඹෙන වසරේ මැතිවරණ කරට කර යෑමේ අවකාශය තවදුරටත් තීව්‍ර වනු නොඅනුමානය.

හෙට්ටිගේ ඇන්. පෙරේරා, 2009 වප්

H Niles Perera©, October 2009

දිනන්නට නම්.. .

රටට එරෙහි කුමන්ත්රණවලට ඉඩ නොතබන බව දේශමාමක ජනතාව පෙන්වා දී තිබෙනවා!
රටට එරෙහි කුමන්ත්රණවලට ඉඩ නොතබන බව දේශමාමක ජනතාව පෙන්වා දී තිබෙනවා!

දැන් දකුනේ ඡන්දය හමාරය.එක්සත් ජාතික පාක්ශිකයින් වශයෙන් බුද්ධික පතිරණ සහ මනූෂ නානායක්කාර සම්බන්ධව අප සතුටු විය යුතුය.එහෙත් සියල්ල ගෙන බැලූකල්හී අපට ඉතිරිව ඇත්තේ

දුක් වීමට පමණි.ඉහල සාමාජිකයින් කුමක් කීවත් අප පරාජය වී හමාරය.මෙය සන්ධානයේ පසුබෑමක් වුවද එජාපය අවසන පරාජය වී ඇත.ලෝක ශූර ශ්‍රී ලංකා ජාතික ක්‍රිකට් කණ්ඩායමද දුර්වල
කණ්ඩායම් වූ කෙන්යාවට සහ බංගලාදේශයට පරාජය විය.නැවත් දිනුවෝය.ඉන් අනතුරුවද ඔවුන් ශූරතා විශාල ප්‍රමානයක් දිනුවෝය.පරාජයක් යනු මිය යෑමක් නොවේ.එම නිසා අප පක්ෂයක්
ලෙස දුක් විය යුතු වුවද සිතින් වැටිය යුතු නැත.එසේම සන්ධානය මෙන් මාධ්‍ය ඔස්සේ වැසියා රැවටිය යුතුද නැත.එය එජාපය මෙතෙක් අනුගමනය නොකල පිළිවෙතකි.මා හිත මිතුරෙකු කියා තිබූ පරිදි
අපට ඉතිරිව ඇත්තේ සන්ධානයට 90% ක අපේක්ෂිත ඉලක්කය කරා යෑමට ඉඩ නොදුන් දකුණු ජනතාවට ස්තූතිවන්ත වීම පමණි.වරදවා නොවටවහාගන්න මෙය සිත සාදා ගැනීමක් නොවේ.අප
සදාහරිතයේ ශ්‍රී ලාන්කීය දේශපාලනය සම්බන්ධව කතා කරන්නේ නම් පක්ෂ බේදයකින් තොරව කතා කල යුතුය.මින් පෙරද අප බ්ලොග් ලිපි කියවූ ඔබ ඒ පිළිබඳ වටහගෙන ඇතැයි සිතමු.එබැවින් මා
විශ්වාස කරන පරිදි ඕනෑම දෙයක නැග්මක් සහ බැස්මක් ඇත.එය ආර්ථිකයටද පොදුය.මින් පෙර එජාපය ඓතිහාසික ජයග්‍රහන ලබද්දී එවකට විපක්ෂයද නොයෙක් විදි වලින් සිත සනසා ගන්නට
ඇත.එහෙයින් දිනන්නට වාසනාව පැමිනෙන විට,එදිනට යෙදීමට සියලු ජවය අප සතු විය යුතුය.මන්දයත් සියල්ල රඳා පැවතීමට ඇති සාධක වන්නේ වාසනාව සහ හැකියාවයි.
මදකට දකුණේ පැවැත්වුනු ඡන්ද ව්‍යාපාරයට අප කතිකාවත යොමු කරමු.පක්ෂ විපක්ෂව ප්‍රධානවම කතා කෙරිච්ච චරිත සම්බන්ධව කතා කරන්නේ නම් ශාන්
විජේලාල්,අනර්කලී,මනූෂ,මුතුහෙට්ටිගම,සුසන්තා චන්ද්‍රමාලී ඉදිරියෙන් සිටී.කොපමන වචන වැරැද්දුවද හුරතලේට ජනයා ඇමතූ අනර්කලී මෙනවියට මන්ත්‍රී ධූරයක් ලබාදීමට දකුණේ ජනයා
අමතක නොකලේය.සැබවින්ම චරිතය කෙසේ වුවත් ඇය මෙතෙක් හොරකම් කලේ නැත.සැබවින්ම ඇය මුලු දකුණටම කෙසේ වෙතත් දකුණේ යුවතියන්ට වත් සෙතක් කරනු ඇතැයි මා විශ්වාස
කරමි.එසේම එජාපයෙන් මනූෂ තවත් අභීත තරුණ නායකත්වයකි.ඔහුට මනා දැක්මක් සහ හැකියාවක් ඇති සේම ඔහු ක්ෂේත්‍ර කිහිපයකම කොණ දුටුවෙකි.සත්‍ය වශයෙන්ම එජාප තරුණ පෙළේ මා
දකින විශිෂ්ඨතම අනාගතය හිමිවනේ මනූෂ ටය.ඇමතීමේ හැකියාව,යෙදවීමේ හැකියාව,කරවීමේ හැකියාව,කැඳවීමේ හැකියාව ඇත.ඒ අතින් ඔහු බුද්ධිකට වඩා ඉදිරියෙන් ඇත.එසේම ශාන්
විජේයලාල් වැඩිම මනාප ගත්තාට පුදුමයක් නැත.මන්ද මා පෞද්ගලිකවම දන්නා පරිදි ඔහු ඉතා හොඳ සමාජ සේවකයෙකි.ඔහු අතිවිශාල මෙහෙවරක් එම ප්‍රදේෂයට කර ඇත.ලිපිය අප්‍රිය කරවීමට
සහ දිගු කරවීමට ඇති අකමැත්ත නිසා ඉතිරි චරිත සඳහන් නොකර සිටිමි.
තවද එක් තුටු විය හැකි කරුණක් ඇත.එනම් වීරවංශ මහතාගේ ලාබ ප්‍රයෝජන පක්ෂය ඇතුගෑවී ගොස් තිබීමයි.එය ඉහත ඇති විනී හෙට්ටිගොඩ මහතාගේ කාටූනයෙන් මනාව ඔප්පු වන අතර ප්‍රධාන
මාතෘකාව වන “දිනන්නට නම්” වෙත අවසාන වශයෙන් පැමිනෙමු.අප “දිනන්නට නම්” පමනක් නොව “දිනා වැඩ කිරීමට නම්” කල යුතු වන්නේ සාමූහිකත්වය ඇති කිරීම හාවිශ්වාසය
ඇතිකිරීමයි.මහත්මා දේශපාලනයට කදිම චරිතයක් වන් රනිල් වික්‍රමසිංහ මහතා බොහෝ දෙනෙක් පවසන පරිදි ලංකාවේ දේශපාලනයට ඔබින්නේ නැතිලු.මන්ද ලක්දිව මහත්මා දේශපාලනයක්
නොපවතින බැවිනි.අනෙක් කරුණ නම් කට පරෙස්සම් කරගැනීමයි.මන්ද වරදින වචන ඇල්ලීමට රජය මාධ්‍ය යොදවා තිබීමයි.එසේ වැරදි රජය පාර්ශවයෙන් සොයන්නේ නම් එමට ඇත.ලඟම
උදාහරණය රාජිත සේනාරත්න මහතා දැනට දිනකට හෝ දෙකකට පෙර ජාතික රූපවාහිනිය ඔස්සේ කල ප්‍රකාශයකි.එන ලංකාවේ මිනිස්සුන්ට වීජ ගණිතය නොතේරෙන බවත් කියන දෙයක් ගොඩේ
විදිහට කිව යුතු බවත්ය.එම නිසා මුව රැලේ නායකායා වන අං තට්ටුව ඇති මුවාමුවාට වුවද නරියාගේ ගොදුර වීමට සිදුවේ.එමනිසා මතුවට සශ්‍රීක අනාගතයක අරමුණ සිත් තබාගෙන වාසනාව අසලට
එනවිට එය බාරගැනීමට සූදානම් වී සිටින්නැයි ඉල්ලමින් සමුගනිමි.අප පක්ෂයට ජය නියතය.ඔබටද සදා ජය !!!
ප.ලි: මෙපමන කලක් විභාග කටයුතු හේතු කොට ගෙන නිලැස් සොහොයුරාට සහ මා හට සදාහරිතය ඉදිරියට ගෙනයාමට නොහැකිවීම සම්බන්ධව සමාව අයදිමු.තවද අප අනෙක් හවුල්කරුවා
හදිස්සියේ විදේශ ගත වීමදාවාසනාවට සිටියේය.ඔබ මෙතෙක් කලක් සදාහරිතය සමග සිටීම සම්බන්ධව තුති පුද කරමි.තවද මෙය සදාහරිත කණ්ඩායමේ අදහස නොව මාගේ පෞද්ගලික අදහස
මතය බැවින් ඔබ මෙයට විරුද්ධ අදහසක් දරයි නම් සදාහරිතය විවේචනය නොකර මා විවේචනය කරන මෙන් කාරුණිකව ඉල්ලමි.එසේම අප කවුරු කවුරුත් යම් පමණකට සුදු හකුරු හදන්නන් බැවින්
වැරදි කියමන් ඇතොත් සමාව අයදිමි.

දැන් දකුනේ ඡන්දය හමාරය.එක්සත් ජාතික පාක්ශිකයින් වශයෙන් බුද්ධික පතිරණ සහ මනූෂ නානායක්කාර සම්බන්ධව අප සතුටු විය යුතුය.එහෙත් සියල්ල ගෙන බැලූකල්හී අපට ඉතිරිව ඇත්තේ දුක් වීමට පමණි.ඉහල සාමාජිකයින් කුමක් කීවත් අප පරාජය වී හමාරය.මෙය සන්ධානයේ පසුබෑමක් වුවද එජාපය අවසන පරාජය වී ඇත.ලෝක ශූර ශ්‍රී ලංකා ජාතික ක්‍රිකට් කණ්ඩායමද දුර්වල කණ්ඩායම් වූ කෙන්යාවට සහ බංගලාදේශයට පරාජය විය.නැවත් දිනුවෝය.ඉන් අනතුරුවද ඔවුන් ශූරතා විශාල ප්‍රමානයක් දිනුවෝය.පරාජයක් යනු මිය යෑමක් නොවේ.එම නිසා අප පක්ෂයක් ලෙස දුක් විය යුතු වුවද සිතින් වැටිය යුතු නැත.එසේම සන්ධානය මෙන් මාධ්‍ය ඔස්සේ වැසියා රැවටිය යුතුද නැත.එය එජාපය මෙතෙක් අනුගමනය නොකල පිළිවෙතකි.මා හිත මිතුරෙකු කියා තිබූ පරිදි අපට ඉතිරිව ඇත්තේ සන්ධානයට 90% ක අපේක්ෂිත ඉලක්කය කරා යෑමට ඉඩ නොදුන් දකුණු ජනතාවට ස්තූතිවන්ත වීම පමණි.වරදවා නොවටවහාගන්න මෙය සිත සාදා ගැනීමක් නොවේ.අප සදාහරිතයේ ශ්‍රී ලාන්කීය දේශපාලනය සම්බන්ධව කතා කරන්නේ නම් පක්ෂ බේදයකින් තොරව කතා කල යුතුය.මින් පෙරද අප බ්ලොග් ලිපි කියවූ ඔබ ඒ පිළිබඳ වටහගෙන ඇතැයි සිතමු.එබැවින් මා විශ්වාස කරන පරිදි ඕනෑම දෙයක නැග්මක් සහ බැස්මක් ඇත.එය ආර්ථිකයටද පොදුය.මින් පෙර එජාපය ඓතිහාසික ජයග්‍රහන ලබද්දී එවකට විපක්ෂයද නොයෙක් විදි වලින් සිත සනසා ගන්නට ඇත.එහෙයින් දිනන්නට වාසනාව පැමිනෙන විට,එදිනට යෙදීමට සියලු ජවය අප සතු විය යුතුය.මන්දයත් සියල්ල රඳා පැවතීමට ඇති සාධක වන්නේ වාසනාව සහ හැකියාවයි.

මදකට දකුණේ පැවැත්වුනු ඡන්ද ව්‍යාපාරයට අප කතිකාවත යොමු කරමු.පක්ෂ විපක්ෂව ප්‍රධානවම කතා කෙරිච්ච චරිත සම්බන්ධව කතා කරන්නේ නම් ශාන් විජේලාල්,අනර්කලී,මනූෂ,මුතුහෙට්ටිගම,සුසන්තා චන්ද්‍රමාලී ඉදිරියෙන් සිටී.කොපමන වචන වැරැද්දුවද හුරතලේට ජනයා ඇමතූ අනර්කලී මෙනවියට මන්ත්‍රී ධූරයක් ලබාදීමට දකුණේ ජනයා අමතක නොකලේය.සැබවින්ම චරිතය කෙසේ වුවත් ඇය මෙතෙක් හොරකම් කලේ නැත.සැබවින්ම ඇය මුලු දකුණටම කෙසේ වෙතත් දකුණේ යුවතියන්ට වත් සෙතක් කරනු ඇතැයි මා විශ්වාස කරමි.එසේම එජාපයෙන් මනූෂ තවත් අභීත තරුණ නායකත්වයකි.ඔහුට මනා දැක්මක් සහ හැකියාවක් ඇති සේම ඔහු ක්ෂේත්‍ර කිහිපයකම කොණ දුටුවෙකි.සත්‍ය වශයෙන්ම එජාප තරුණ පෙළේ මා දකින විශිෂ්ඨතම අනාගතය හිමිවනේ මනූෂ ටය.ඇමතීමේ හැකියාව,යෙදවීමේ හැකියාව,කරවීමේ හැකියාව,කැඳවීමේ හැකියාව ඇත.ඒ අතින් ඔහු බුද්ධිකට වඩා ඉදිරියෙන් ඇත.එසේම ශාන් විජේයලාල් වැඩිම මනාප ගත්තාට පුදුමයක් නැත.මන්ද මා පෞද්ගලිකවම දන්නා පරිදි ඔහු ඉතා හොඳ සමාජ සේවකයෙකි.ඔහු අතිවිශාල මෙහෙවරක් එම ප්‍රදේෂයට කර ඇත.ලිපිය අප්‍රිය කරවීමට සහ දිගු කරවීමට ඇති අකමැත්ත නිසා ඉතිරි චරිත සඳහන් නොකර සිටිමි.

තවද එක් තුටු විය හැකි කරුණක් ඇත.එනම් වීරවංශ මහතාගේ ලාබ ප්‍රයෝජන පක්ෂය ඇතුගෑවී ගොස් තිබීමයි.එය පහත ඇති විනී හෙට්ටිගොඩ මහතාගේ කාටූනයෙන් මනාව ඔප්පු වන අතර ප්‍රධාන මාතෘකාව වන “දිනන්නට නම්” වෙත අවසාන වශයෙන් පැමිනෙමු.අප “දිනන්නට නම්” පමනක් නොව “දිනා වැඩ කිරීමට නම්” කල යුතු වන්නේ සාමූහිකත්වය ඇති කිරීම හාවිශ්වාසය ඇතිකිරීමයි.මහත්මා දේශපාලනයට කදිම චරිතයක් වන් රනිල් වික්‍රමසිංහ මහතා බොහෝ දෙනෙක් පවසන පරිදි ලංකාවේ දේශපාලනයට ඔබින්නේ නැතිලු.මන්ද ලක්දිව මහත්මා දේශපාලනයක් නොපවතින බැවිනි.අනෙක් කරුණ නම් කට පරෙස්සම් කරගැනීමයි.මන්ද වරදින වචන ඇල්ලීමට රජය මාධ්‍ය යොදවා තිබීමයි.එසේ වැරදි රජය පාර්ශවයෙන් සොයන්නේ නම් එමට ඇත.ලඟම උදාහරණය රාජිත සේනාරත්න මහතා දැනට දිනකට හෝ දෙකකට පෙර ජාතික රූපවාහිනිය ඔස්සේ කල ප්‍රකාශයකි.එන ලංකාවේ මිනිස්සුන්ට වීජ ගණිතය නොතේරෙන බවත් කියන දෙයක් ගොඩේ විදිහට කිව යුතු බවත්ය.එම නිසා මුව රැලේ නායකායා වන අං තට්ටුව ඇති මුවාමුවාට වුවද නරියාගේ ගොදුර වීමට සිදුවේ.එමනිසා මතුවට සශ්‍රීක අනාගතයක අරමුණ සිත් තබාගෙන වාසනාව අසලට එනවිට එය බාරගැනීමට සූදානම් වී සිටින්නැයි ඉල්ලමින් සමුගනිමි.අප පක්ෂයට ජය නියතය.ඔබටද සදා ජය !!!

ප.ලි: මෙපමන කලක් විභාග කටයුතු හේතු කොට ගෙන නිලැස් සොහොයුරාට සහ මා හට සදාහරිතය ඉදිරියට ගෙනයාමට නොහැකිවීම සම්බන්ධව සමාව අයදිමු.තවද අප අනෙක් හවුල්කරුවා හදිස්සියේ විදේශ ගත වීමදාවාසනාවට සිටියේය.ඔබ මෙතෙක් කලක් සදාහරිතය සමග සිටීම සම්බන්ධව තුති පුද කරමි.තවද මෙය සදාහරිත කණ්ඩායමේ අදහස නොව මාගේ පෞද්ගලික අදහස මතය බැවින් ඔබ මෙයට විරුද්ධ අදහසක් දරයි නම් සදාහරිතය විවේචනය නොකර මා විවේචනය කරන මෙන් කාරුණිකව ඉල්ලමි.එසේම අප කවුරු කවුරුත් යම් පමණකට සුදු හකුරු හදන්නන් බැවින් වැරදි කියමන් ඇතොත් සමාව අයදිමි.

රටට එරෙහි කුමන්ත්රණවලට ඉඩ නොතබන බව දේශමාමක ජනතාව පෙන්වා දී තිබෙනවා!

රටට එරෙහි කුමන්ත්රණවලට ඉඩ නොතබන බව දේශමාමක ජනතාව පෙන්වා දී තිබෙනවා!

-රචින්ත ජයවර්ධන-